सिरहामा कालोबजारी गर्ने व्यवसायी लाखरुपैयाँ धरौटीमा छुटे

मुकेश यादव, सिरहा । निर्धारित मूल्यभन्दा बढी रकम लिएर सिमेन्ट बेचेको भन्दै प्रहरीले शुशिल हार्डवेयर, गोलबजार नपा ४ को गोदाम शिल गरेको छ । लक डाउनको मौका छोपेर स्थानीय सेवाग्राहीसँग महगो मूल्यमा सिमेन्ट र छड बेचेको सूचनाको आधारमा प्रहरीले गोलबजार उद्योग व्यापार संघ गोलबजारको रोहवरमा गोदाम शिल गरेको हो ।

शिल वन्दि पछि आवश्यक कार्वाहीको लागि जिल्ला प्रशासन कार्यालय सिरहाले हार्डवेयरका संचालक धनपति महतोलाई एक लाख धरौटी लिएको बताइएको छ । जिल्ला प्रमुख अधिकारी सरोजराज गुरागाइँले आवश्यक अनुसन्धान भईरहेकोले अहिलेलाई धरौटीमा छोडीएको बताए । अनुसन्धान प्रकृया पुरा भएपछिमात्र शिलबन्दि खुल्ने बताए ।

संचालक महतोले लकडाउनको अवधिमा मारुती सिमेन्टमात्र ४ हजार ९ सय बोरा विक्रि गरेको उद्योग प्रशासनले जनाएको छ । लक डाउनको समयमा विभिन्न सामाजिक तथा सरकारी कार्यकोलागि उद्योगले सीमेन्ट उपलब्ध गराएको बेला उनले आफै अध्यक्ष रहेको कुसवाहा धर्मशाला निर्माको नाममा समेत एक हजार ४ सय बोरा सीमेन्ट ल्याएर विक्रिगरेको बुझिएको छ । तर उनले काम गरेर उब्रेको सयबोरा सीमेन्टमा ल्याएर पछि फिर्तागर्ने गरी बेचेको बताए ।

उनले कुशवाह धर्मशालाको सीमेन्ट विग्रिने अवस्था आएपछि आफूले ल्याएर वेचेको बताए । महतोले सहज ढंगले सीमेन्ट उपलब्ध हुन थालेपछिमात्र आफूले ल्याएर बेच्न थालेको सुनाए । तर, उद्योगलेभने शुशिल हार्डवेयरको नाममा प्रोजेक्टको नाममा पनि आएको बताइएको छ ।

लक डाउनका अवधिमा गोलबजारका हार्डवेयर पसलेहरुले व्यापक रुपमा कालो बजारी गरेको गुनासो छ । उनीहरुले सीमेन्ट, छड, जस्ता लगाएतका निर्माण समाग्रीमा अत्यकित मूल्य लिई बेच्ने गरेको गुनासाहरु छन् ।