रौतहटमा थप ३५ जनामा कोरोना संक्रमण
अभिमनु कुमार पटेल,रौतहट । रौतहटमा थप ३५ जनामा कोरोना भाइरसको संक्रमण देखिएको छ । ३५ जना माध्ये गौर नगरपालिकामा ८, ईशनाथ नगरपालिकामा १६, देवाहि गोनाही नगरपालिकामा २, कटहरिया नगरपालिकामा २ र गढिमाई नगरपालिकामा ७ जनामा कोरोना भाइरसको संक्रमण देखिएको हो । भारतका विभिन्न सहरबाट भर्खरै रौतहट आएकाहरुमा नै संक्रमण देखिएको छ ।
संक्रमित सबैजना सम्बन्धित पालिकाले सञ्चालन गरेको क्वारेन्टीनमा बसेकाहरू नै रहेका छन् । यसअघि मंगलबार गौर नगरपालिकाका ७, देवाही गोनाही नगरपालिकाका १३ र राजदेवी तथा गरुडा नगरपालिकामा १/१ जना कोरोना संक्रमणको पुष्टि भएको थियो । यो संगै रौतहटमा संक्रमितको संख्या सय नाघेको पुगेको छ ।
तीनजना उपचारपछि घर फर्किएका छन् । संक्रमितको संख्या बढ्दै गएपनि जिल्लामा आइसोलेसन बेडको भने अभाव छ। केही पालिकाहरुले संयुक्त लगानीमा आइसोलेसन बनाउन सुरुगरे पनि त्यसको निर्माण कार्य सकिएको छैन ।
जिल्लामा हाल गौर नर्सिङ्ग क्याम्पसको आइसोलेसनमा १८ जना र राजपुर स्वास्थ्य चौकीको आइसोलेसनमा २६ जनाको उपचार भइरहेको छ ।
