अमेरिकामा प्रहरीले अश्वेत नागरिकको घाँटी थिचेर हत्या गरेको विरोधमा आज सातौं दिन प्रदर्शन भैरहेको छ ।
हत्याको विरोधमा सातौँ दिन पनि कर्फ्यू तोडेर प्रदर्शन भैरहेको छ । मिनेशोटाको मिनियापोलसमा गएको मे २५ मा प्रहरी हिरासतमै निहत्था अश्वेत व्यक्ति जर्ज फ्लोइडको निधन भएपछि प्रहरी ज्यादती र रंगभेदको विरोधमा प्रदर्शन चर्किएको छ ।
फ्लोइडलाई पक्राउ गर्ने क्रममा प्रहरीले उनको घाँटीमा घुँडाले थिचेका थिए । सोही कारण उनको कार्डिक अरेस्ट भएर मृत्यु भएको पोष्टमार्टम रिपोर्टमा उल्लेख छ । फ्लोइडको हत्याको विरोधमा अमेरिकाका अधिकांश शहर तथा अमेरिका बाहिर पनि प्रदर्शन जारी छ ।
प्रदर्शनले हिंसात्मक रुप लिन थालेपछि धेरै शहरमा कर्फ्यू लगाइएको छ । तर कर्फ्यू तोडेर पनि प्रदर्शन हुन थालेपछि राष्ट्रपति डोनाल्ड ट्रम्प चिन्तित छन् । यसअघि ट्रम्पले आन्दोलन दबाउनका लागि सेना परिचालन गर्ने चेतावनी दिएका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
