धनगढी । सुदूरपश्चिममा र्यापिड टेस्टमा पोजेटिभ अर्थात एन्टिबडी देखाएका एक सय ९७ जनाको पीसीआर परीक्षण बाँकी रहेको छ। कोरोना भए, नभएको पुष्टि पीसीआर परीक्षणबाट हुने गरेकोमा अझै एक सय ९७ जनाको पीसीआर परीक्षण हुन नसकेको हो।
प्रदेश स्वास्थ्य निर्देशनालयका अनुसार प्रदेशभरी अहिले सम्म २४ हजार नौँ सय ४० जनाको र्यापिड टेस्ट गर्दा दुई सय ९९ जनामा एन्टिबडी अर्थात पोजेटिभ देखाएको छ। उनीहरुमध्ये अहिलेसम्म एक सय दुई जनाको मात्रै पीसीआर मार्फत परीक्षण गरिएको छ भने बाँकी एक सय ९७ जनाको भने पीसीआर मार्फत परीक्षण बाँकी रहेको छ।
एक सय ९७ जना मध्ये पछिल्लो २४ घण्टामा आरडिटी पोजेटिभ देखाएका एक सय ११ जना छन् भने बाँकी ८६ जना भने दुई देखि चार दिन अगाडी नै एन्टिबडी देखाएको थियो। सुदूरपश्चिम प्रदेशमा कोरोना परीक्षणका लागि एउटा मात्रै प्रयोगशाला भएका कारण आरडिटी पोजेटिभ देखाएकाहरुको समेत समयमै परीक्षण हुन नसकेको हो।
पछिल्लो २४ घण्टामा धनगढी प्रयोगशाला मार्फत तीन सय ५ जनाको पीसीआर विधीबाट कोरोना परीक्षण गरिएको छ भने स्वाब संकलन गरेका एक हजार बढिको नमूना संकलन भएपनि परीक्षण बाँकी रहेको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
