भरत चन्द, रुकुमप पश्चिम । रुकुम पश्चिमको चौरजहारी नगरपालिका वडानम्बर–८, सोती गाउँमा जेठ १० गते ६ जनाको ज्यान जाने गरि भएको घटनाका आरोपितलाई १० दिनको म्याद थप गरिएको छ । अनुसन्धानका लागि ११ दिनको म्याद थप माग गरिएकोमा जिल्ला अदालत रुकुम पश्चिमले बिहिबार १० दिनको म्याद थप गरेको हो ।
अदालतका श्रेस्तेदार कृतबहादुर बोहोराका अनुसार १० दिनको म्याद थप भएसंगै २० दिन थुनामा राखेर अनुसन्धान गर्न प्रहरीलाई आदेश भएको छ । घटनाका आरोपित १८ जना मध्ये एकजना बालिका समेत भएकाले अर्कोपटक म्याद थप हुन सक्ने संभावना कम रहेको श्रेस्तेदार बोहरको भनाई छ । तर अन्यलाई भने २५ दिनसम्म हिरासतमा राखेर अनुसन्धान गर्न सक्ने व्यवस्था भएको अदालतले बताएको छ ।
यसअघि घटनाका आरोपितलाई १० दिन सम्म थुनामा राख्ने आदेश भएको थियो । सोती घटनाका ज्यान गुमाएका मृतकका परिवारले २० जनालाई दिएको किटानी जाहेरीका आधारमा प्रहरीले १८ जनालाई पक्राउ गरी अनुसन्धान गरिरहेको छ । अन्य दुईजनाको भने खोजी भईरहेको प्रहरीले जनाएको छ ।
यसैबीच जेठ २० गते बेलुकी मुसिकोट नगरपालिका –१४, मा रहेको प्रहरी चौकी तोडफोडमा संलग्न एकजनालाई प्रहरीले पक्राउ गरेको छ । पक्राउ पर्नेमा २३ वर्षिय टेक बहादुर खड्का रहेको प्रहरी नायब उपरीक्षक ठगबहादुर केसीले बताए । उनका अनुसार यसअघि वडाध्यक्ष सहित ३ जनालाई प्रक्राउ गरी १० दिनको म्याद थप गरेर अनुसन्धान शुरु गरिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
