काठमाडौ : राप्रपाका सांसद राजेन्द्र लिङ्देनले गणतन्त्र,संघीयता,धर्मनिरपेक्षता जस्ता यो संविधानका व्यवस्थाहरूमा आधारभूतरूपमै राप्रपाको फरकमत भएपनि छुटेको भूगोल समाविष्ट नयाँ नक्सा निशाना छापमा सामेल गरि संविधानको अनुसूचीमा राख्न पेश गरिएको संविधान संशोधन प्रस्तावमा राप्रपाको निशर्त समर्थन रहेको बताएका छन ।
सामाजिक संजाल मार्फत सासद लिङ्देनले यो कुनै एक दल विशेषको प्रस्ताव नभई मुलुकको सार्वभौमिकता र अखण्डतासंग सम्बन्धित विषय भएकाले यसमा राप्रपाको समर्थन रहने बताएका हुन । उनले राजासहितको प्रजातन्त्र, सनातन हिन्दुराष्ट्रका पक्षमा र तीन तहको संघीयताका विपक्षमा अभेद्ध चट्टान भएर उभिने प्रतिबद्धता समेत गरेका छन । यस्तै लिङ्देनले भनेका छन, नेपालको नक्सा सहितको निशाना छाप संविधानको अनुसूचीमा समावेश गर्न पेश गरिएको संसोधन प्रस्तावलाई विषयान्तर गर्ने गरि कुनै संसोधन प्रस्ताव बोकेर नजाने तर संशोधनको पक्षमा मतदान गर्न आफू आतुर छु ।
अविलम्ब संसोधन प्रस्ताव निर्णयार्थ प्रस्तुत होस्। आफू प्रतिनिधिसभाको सदस्य भएपछिको हालसम्मको सबैभन्दा गौरवपूर्ण क्षणका रूपमा ग्रहण गर्नेछु ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
