माला पालुंवा,ताप्लेजुङ । भारतका विभिन्न क्षेत्रमा रोजगारीका लागि गएका ताप्लेजुङका ५१ जना गृह जिल्ला आईपुगेका छन् । विभिन्न नाका हुँदै सुनसरी पुगेका उनिहरु आज शुक्रबार दुई वटा बसमा सदरमुकाम फुङलिङमा आईपुगेका हुन् ।
जिल्ला आइपुगेका उनिहरुलाई सुनसरीको भोक्राहा नरसिंह गाउँपालिका स्थित क्वारेन्टिनमा राखिएको थियो । उनिहरुको पिसिआर रिपोर्ट नेगेटिभ देखिए पछि गृहजिल्ला पठाईएको थियो । उनिहरुलाई ताप्लेजुङ प्रवेश अघि पाँचथर ताप्लेजुङको सिमाना काबेली स्थित हेल्थ डेक्समा समेत सामान्य स्वास्थ्य परिक्षण गरिएको ताप्लेजुङका प्रमुख जिल्ला अधिकारी डोरेन्द्र निरौलाले जानकारी दिए ।
सदरमुकाम आईपुगे पछि उनिहरु सबै जना आ–आफ्नो गाउँ तर्फ गएका छन् । गाउँ र्फकिएकाहरुलाई गाउँपालिकाले व्यवस्था गरेको क्वारेन्टिनमा वा नभए घरैमा सुरक्षित बस्न आग्रह गरिएको समेत प्रमुख निरौलाले जानकारी दिए । फर्किएका ५१ मध्ये सबै भन्दा बढि फक्ताङलुङ गाउँपालि
काका छन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
