अनिता घिमिरे, पोखरा । गण्डकी प्रदेश सरकारले कोरोना भाइरसको संक्रमण विरुद्धको लडाइमा जुध्न प्रत्येक जिल्लालाई ८० लाख उपलब्ध गराउने निर्णय गरेको छ । कोरोना भाइरस विरुद्धको व्यवस्थापनका लागि भन्दै प्रदेश भित्रका ११ वटै जिल्लालाई सो रकम उपलब्ध गराउने निर्णय गरेको हो ।
आइतबार बसेको मन्त्रिपरिषदको निर्णय सार्वजनिक गर्दै प्रदेश सरकारका प्रवक्ता एवम भौतिक पूर्वाधारमन्त्री राम शरण बस्नेतले यस्तो जानकारी दिनुभयो । प्रदेशमा कोरोना भाइरस संक्रमितको संख्या बढ्दै जान थालेपछि प्रदेशको यस्तो निर्णय आएको हो ।
त्यस्तै मन्त्रीपरिषद वैठकले प्रदेशको प्रवेश नाका मुग्लिनमा नयाँ प्रहरी पोस्ट स्थापनाका लागि १४ लाख रुपैया विनियोजन गरेको छ । बैठकले तनहुँको भानु नगरपालिकाको केन्द्र सार्न संघ सरकारलाई सिफारिश समेत गरेको गण्डकी प्रदेश सरकारका प्रवक्ता राम शरण बस्नेतले जानकारी दिए ।
बैठकले पश्चिमाञ्चल क्षेत्रीय क्षयरोग उपचार केन्द्र नामक संस्थालाई प्रदेश मातहत ल्याउने र गण्डकी क्षयरोग केन्द्र नामाकरण गरी सञ्चालन गर्ने निर्णय समेत गरेको प्रवक्ता बस्नेतले जानकारी दिए ।
त्यस्तै भौतिक पूर्वाधार मन्त्रालयबाट प्रवाह हुने सेवाका लागि अर्को जिल्ला जान नपर्ने व्यवस्था गरिएको समेत उनले जानकारी दिए । बताउनुभयो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
