२८ जेठ, कैलाली । सुदूरपश्चिममा कोरोना भाइरसको जोखिम न्यूनीकरणका लागि भारतबाट आएका झण्डै ६६ हजारलाई क्वारेन्टाइनमा राखिएको छ।
भारतमा कोरोना भाइरसको जोखिम भएको क्षेत्रबाट फर्किएका ६५ हजार नौँ सय ९१ जनालाई नौँ जिल्लाका एक हजार ८ सय १३ वटा क्वारेन्टिनमा राखिएको प्रदेश स्वास्थ्य निर्देशनालय डोटीले जनाएको छ।
क्वारेन्टाइनमा राखिएका मध्ये ५५ हजार सात सय ३० जना पुरुष र १० हजार दुई सय ६१ जना महिला रहेका छन्।
सबैभन्दा बढि कैलालीमा २१ ह्जार चार सय ५४ जना, डोटीमा १० हजार चार सय, अछाममा ८ हजार एक सय ४५ र कञ्चनपुरमा सात हजार २ सय ४० जनालाई क्वारेन्टाइनमा राखिएको निर्देशनालयको तथ्याङकमा उल्लेख छ।
बाजुरामा पाँच हजार दुई सय २३, बैतडीमा चार हजार चार सय ५७, डडेल्धुरामा चार हजार चार सय १०, बझाङमा तीन हजार एक सय ४४, दार्चुलामा एक हजार पाँच सय १८ जनालाई क्वारेन्टाइनमा राखिएको छ।
उनीहरु भारत सहित कोरोनाको जोखिम भएको क्षेत्रबाट फर्किएका हुन। सुदूरपश्चिम प्रदेशमा ८० हजार एक सय ८ जना अटाउने क्वारेन्टाइन स्थापना गरिएको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
