ईश्वर थापा,
धनकुटा ।
चलचित्र ‘जीवन काँडा कि फूल’का निर्माता तथा निर्देशक विनोद विष्टले चलचित्र हलमा आफ्नो चलचित्र प्रर्दशन गर्न नदिई वितरकले खुल्ला रुपमा मर्डर गरेको आरोप लगाउनु भएको छ ।
पत्रकार महासंघ धनकुटा शाखाको सभाहलमा आयोजित पत्रकार भेटघाटमा बोल्नुहुँदै फिल्म निर्देशक विष्टले वितरकले फिल्म नचलेको भन्दै पन्छिएर हलवाट उतारेर प्रदर्शन गर्न नदिएको आरोप लगाउनु भएको हो । मदन पुरस्कार विजेता साहित्यकार झमक घिमिरेको वहुचर्चित आत्मकथामा आधारित ‘जीवन काँडा कि फुल’ नामक पुस्तकमा आधारित रहेर निर्माण गरिएको हो । गत कात्तिक २२ गते देखि देशभर प्रर्दशनमा आएको भएपनि चलचित्र वितरकले पर्याप्त हल नदिँदा सीमित हलमा मात्रै चलचित्र रिलिज भएको विष्टले बताउनु भयो ।
चलचित्रमा झमकको सानो छँदाको रोल सिलगुडिकी अवस्था थापा र ठूला हुँदाको रोल काठमाडौंकी रोजिता वुद्धचार्यले गरेका छन । त्यस्तै झमकको वुवाको भूमिका किसन सुनार, आमाको भूमिका उमा गिरि लगायत ३० भन्दा बढी कलाकारको अभिनय रहेको छ । करिव ८० लाख रुपैयाको लागतमा निर्माण भएको फिल्म २ घण्टा ५ मिनेट लामो छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
