विर्तामोड । नेपाल पत्रकार महासंघका पूर्व महासचिव चन्द्र भण्डारीको गए राति टाउकाको सफल शल्यक्रिया गरिएको छ।
विर्तामोडमा रहेको विर्ता सिटी अस्पतालमा न्यूरो सर्जन डा. सिपि लिम्बुको टोलीले पत्रकार भण्डारीको टाउकोको शल्यक्रिया गरेर टाउकोमा जमेको रगत निकाएका हुन् । डा. लिम्बुका अनुसार उनको अवस्था अहिले सामान्य छ। करिब एक घन्टाको शल्यक्रियाबाट जमेको रगत निकालिएको डा. लिम्बुले जानकारी दिए।
उनले भने, ‘अहिले उहाँको अवस्था सामान्य छ। उहाँ होसमा आइसक्नु भएको छ। अहिले बिहानदेखि केही खानेकुरा खुवाउन शुरु गर्दैछौं।’
पत्रकार भण्डारीलाई केही दिनदेखि टाउको दुख्ने समस्या रहेको र बान्तासमेत हुन थालेपछि आइतबार बेलुका अस्पताल भर्ना भएका थिए।
विरामी होसमा आए पनि टाउको शल्यक्रिया गरिएकाले अहिले सघन उपचार कक्षमै राखेर उपचार भइरहेको डा. लिम्बुको भनाइ छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
