कुमार खड्का,मोरङ । प्रदेश १ सरकारले मोरङको उर्लाबारी- ३ मंगलबारेमा रहेको मंगलबारे अस्पतालको नाम परिवर्तन गर्न लागेपछि स्थानीय वासिन्दा आन्दोलनमा उत्रिएका छन् ।
प्रदेश १ को बजेटमा उक्त अस्पताललाई ट्रमा सेञ्टर बनाउने र नाम मदन भण्डारी अस्पताल राख्ने विषय समावेश भएपछि स्थानीयले मुख्यमन्त्री शेरधन राईको पुत्ला जलाउँदै विरोध प्रदर्शन गरेका हुन् ।
मंगलबारेको आफ्नै विशेषता छ, मदन भण्डारीको नाममा मंगलबारे अस्पतालको पहिचान मेट्न खोजियो’ भन्दै आन्दोलनकारीहरुले नेताको नाम जोडेर मंगलबारेको पहिचान मेट्न नपाइने बताएका छन्।
१ असारमा प्रस्तुत बजेटमा मंगलबारे अस्पताललाई प्रदेश गौरवको आयोजनामा राख्दै अत्याधुनिक प्रविधि र उपकरणसहित मदन भण्डारी अस्पताल तथा ट्रमा सेन्टरको रुपमा विकास गर्ने उल्लेख गरिएको छ ।
‘तर, विकास गर्नु राम्रो पक्ष भएपनि जताततै नेताहरुको नाम जोडेर स्थानीय पहिचान नै गुमाउनु पक्षमा आफुहरु नभएको आन्दोलनमा आएकाहरुको भनाइ छ । यसरी त मदन भण्डारीको नामको समेत बदनाम हुने आन्दोदनमा नेतृत्व गरिरहेका नेपाली कांग्रेसका नेताहरुको भनाइ छ ।
ट्रमा सेन्टर बनाउने निर्णय स्वागत योग्य भए पनि नाम परिवर्तनमा आफ्नो पार्टीको असहमति रहेको नेपाली कांग्रेस मोरङको धारणा छ । यसले सरकारले आफ्नो निर्णय नसच्याए सडक र सदनमा संघर्ष गर्ने चेतावनी समेत दिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
