काठमाडौं । सामाजिक सञ्जाल फेसबुकले अमेरिकी राष्ट्रपति डोनाल्ड ट्रम्पको चुनावी अभियानले पोस्ट गरेको एउटा विज्ञापन हटाएको छ ।
नाजी जर्मनीमा प्रयोग हुने संकेत प्रयोग भएको ट्रम्पको चुनावी विज्ञापन हटाएको फेसबुकले जनाएको हो । ट्रम्पको चुनावी अभियानको विज्ञापनमा प्रयोग भएको रातो त्रिकोण नाजीले कम्युनिष्टसहितका आफ्ना विपक्षीलाई इंगिद गर्न प्रयोग गर्ने संकेतसँग मिलेको फेसबुकले जनाएको छ ।
तर ट्रम्पको चुनावी अभियानले फार लेफ्ट एक्टिभिस्ट ग्रुप एनटिफालाई संकेत गर्न सो त्रिकोण प्रयोग गरेको दाबी गरेको छ । एनटिफाले सो रातो त्रिकोण प्रयोग गर्छ । विज्ञापनले संस्थागत रुपमै घृणा फैलाउन खोजेको आरोप फेसबुकको छ । आफ्नो नीति विरुद्ध भएकाले विज्ञापन हटाइएको उसको भनाई छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
