काठमाडौं । बार्सिलोना स्पेनिस ला लिगा फुटबलको पुनः शीर्ष स्थानमा फर्किएको छ । गएराति एट्लेटिको बिल्बाओलाई १-० गोल अन्तरले पराजित गर्दै बार्सिलोना लिगको शीर्ष स्थानमा फर्किएको हो ।
ईभान राकिटिचको गोलमा बार्सिलोना महत्वपूर्ण तीन अंक बटुल्न सफल रह्यो । ६४ औं मिनेटमा बैकल्पिक खेलाडीको रुपमा मैदान छिरेका राकिटिचले बार्सिलोनालाई जित दिलाएका हुन् । लियोनल मेस्सीको पासमा उनले खेल सकिन १९ मिनेट अगाडी गोल गरे ।
योसंगै स्पेनिस लिगको यो सिजन मेस्सीले १५ औं गोलको अवसर सिर्जना गर्न सफल रहे । उनी आफै करियरको ७ सर्यौ गोल पुरा गर्न एक गोलको खोजिमा छन् । तर बिल्बाओबिरुद्धको खेलमा मेस्सीले सो गोल भेट्टाउन सकेनन् ।
रियल मड्रिडले बुधबार मालोर्कालाई पराजित गरेको खण्डमा पुन लिगको शीर्ष स्थानमा फर्कन सक्नेछ । तर पछिल्लो जितले बार्सिलोनाले आफुलाई उपाधि होडमा राखेको छ । राकिटिचले सिजनको पहिलो गोल गर्न सफल रहे ।
शीर्ष स्थानको बार्सिलोनाको ६९ अंक छ । एक खेल कम खेलेको दोस्रो स्थानको रियल मड्रिको ६५ अंक छ । बिल्बाओ ४२ अंक सहित तालिकाको दशौं स्थानमा यथावत छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
