धनगढी । कैलालीको त्रिनगर नाका भएर चालु आर्थिक बर्षमा ५५ लाखको बेसार आयात भएको छ। चालु आर्थिक वर्षको १० महिनामा ५४ लाख ९३ हजारको बेसार भारतबाट आयात भएको हो।
बेसारबाट चालु आर्थिक बर्षमा ५ लाख २५ हजार राजश्व संकलन गरिएको भन्सार अधिकृत ईश्वरी अर्यालले जानकारी दिए। २४ हजार सात सय ४४ किलो बेसार आयात भएको उनले बताए।
कैलालीको त्रिनगर नाकाबाट चालु आर्थिक बर्षमा आयात भएको वेसार अघिल्लो आर्थिक बर्षको भन्दा दोब्बर हो। अघिल्लो आर्थिक बर्षमा २६ लाख चार हजार दुई सय पाँच रुपैयाँको बेसार आयात भएको थियो।
सुदूरपश्चिममा १८ हजार चार सय ७७ मेट्रिक टन बेसार उत्पादन हुने गरेको कृषि निर्देशनालयको तथ्यांक छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
