इटहरी, इटहरी उपमहानगरपालिका कानुन निर्माण तथा कार्यान्वयनमा अबल देखिएको छ । सुनसरीका १२ वटा स्थानीय तहमध्ये इटहरी उपमहानगरपालिकाले सबैभन्दा धेरै र राम्रो कानुन बनाएको इटहरी उपमहानगरपालिकाको उपमेयर लक्ष्मी गौतम बताउनुहुन्छ । गौतमको संयोजकत्वमा ७ जना रहने गरी कानुन मस्यौदा समिति गठन गरेर कानुन निर्माण काे काम धमाधम भइरहेको छ ।
कानुन जस्तो संवेदनशील र जटिल विषयमा सम्बन्धित कानुन विज्ञसँग परामर्श गरी कानुन निर्माण गरिएको उपमेयर लक्ष्मी गौतमको भनाइ छ ।देश का अन्य ठुला पालिकाहरू भन्दा उत्कृष्ट कानुन बनाएको गौतमको दाबी छ । उपमेयर गौतमका अनुसार विभिन्न ठुला पालिकाहरूले कानुन निर्माण मा इटहरी उपमहानगरपालिका हरूले निर्माण गरेको कानुनको अनुसरण गरेको छ ।
इटहरी उपमहानगरले कानुन निर्माण गर्दा कानुन बिज्ञ सँग सहकार्य गर्ने र विभिन्न समिति र उपसमितिमा समेत छलफल गरेर कानुन निर्माण गरिएको उपमेयर गौतमको बताउनु हुन्छ ।
इटहरी उपमहानगरले कानुन निर्माण गर्दा नगर प्रमुख द्दारीकलाल चौधरी उप प्रमुख लक्ष्मी गौतम र कार्यकारी बसेर मात्र कानुन निर्माण नगरी सर्वपक्षीय छलफल र संम्बन्धीत क्षेत्रको विज्ञसँग छलफल गरी कानुन निर्माण गरिएको छ । स्थानीय सरकार जनताप्रति जबाफदेही भए मात्रै लोकतन्त्र दिगो हुने राम्रो कानुनले स्थानीय सरकार लाई पनि जवाफदेही बनाउने स्थानीय युग निरौला बताउनुहुन्छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
