बिकल रेग्मी,खोटाङ । जलश्रोत तथा साना सिंचाई डिभिजन कार्यालय खोटाङ्गका प्रमुख नारायणकाजी श्रोष्ठलाई अख्तियार दुरुपयोग अनुसन्धान आयोगको टोलीले मगलबार रङ्गेहात कार्यालयबाट प्रक्राउ गरेको छ ।
सेवाग्राहीबाट नौ लाख ३४ हजार घुस लिदै गरेको अवस्थामा कार्यालय प्रमुख श्रेष्ठलाई कार्यकक्षबाटै अनुसन्धान टोलीले पक्राउ गरेको हो । घुस लिदै गरेको अबस्था कार्यकक्षबाटै श्रेष्ठको साथमा अन्य श्रोत नखुलेको रु ९९ हजार ५०० पनि जफत गरिएको बताइएको छ ।
कार्यालय प्रमुख श्रेष्ठ रङ्गेहात पक्राउ परेपछि जलश्रोत तथा सिँचाई डिभिजन कार्यालय आसपासमा सिल गरेर कसैलाई पनि प्रवेश दिइएको छैन । श्रेष्ठले सिँचाई योजनाको रकम प्रदेशबाट निकासा हुन ढिलाइ भइरहेको अवस्थामा अधिकांश ठेकेदार तथा उपभोक्ता समितिसँग ‘छिटो निकासाका लागि माथि रकम दिनुपर्ने’ भन्दै पटक–पटक बार्गेनिङ गर्दैआएको सेवाग्राहीको गुनासो छ ।
रङ्गेहात पक्राउ परेका कार्यालय प्रमुख श्रेष्ठलाई अख्तियारको केन्द्रीय टोलीले मङ्गलबार नै काठमाडौँ लगेको खोटाङका प्रमुख जिल्ला अधिकारी शालिग्राम शर्मा पौडेलले बताउनुभयो । केन्द्रबाट आएको अख्तियारको टोलीलाई जिल्ला प्रहरी कार्यालय खोटाङबाट खटिएका प्रहरीले सुरक्षाको व्यवस्था मिलाएको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
