काठमाडौं । राष्ट्रिय प्रजातन्त्र पार्टी ९राप्रपा० का नेता सुनिलबहादुर थापाले राप्रपाबाट राजीनामा दिएपछि राप्रपाका नेता मोहन श्रेष्ठले थापालाई निर्णय सच्याउन आग्रह गरेका छन् । शनिबार थापा सहित ३१ जना नेताले राप्रपाका अध्यक्षत्रयलाई पत्र लेख्दै राजीनामा दिए संगै राप्रपा नेता मोहन श्रेष्ठले सामाजीक सञ्जाल फेसबुकबाट लामो राजनीतिक विरासतबाट च्युत भएको भन्दै निर्णय सच्याउन आग्रह गरेका हुन् ।
उनले भनेका छन्, "पूर्वमन्त्री सुनील बहादुर थापाले राप्रपा परित्याग गरेको भन्ने समाचारले आश्चर्यचकित छु । पार्टीको संस्थापक अध्यक्ष, पूर्व प्रम सूबथाको छोराको रुपमा बुबाको राजनीतिक विरासतबाट उहाँ च्युत हुनुभएको छ । उहाँको निर्णय नेपालको राष्ट्रवादी प्रजातान्त्रिक आन्दोलनलाई ठूलो धोका मात्रै होइन गम्भीर भुल समेत हो, निर्णय सच्याउनुस् ।,"
नेतृत्व ढुलमुले दृष्टिकोणका साथ अगाडि बढेकाले पार्टी एकीकरणपछि पनि आकर्षण नबढेको र आफूहरुले पटक–पटक ध्यानाकषर्ण गराउँदा पनि जनमत प्रतिकुल अगाडि बढेकाले साथ दिन नसक्ने निष्कर्षमा पुगेको राजीनामा पत्रमा उल्लेख छ ।
पूर्वप्रधानमन्त्री सूर्यबहादुर थापाका छोरा सुनिल थापाको समूह मंगलबार नेपाली कांग्रेस प्रवेश गर्ने तयारी भइरहेको छ ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
