उपचार नपाएर ज्यान गुमाउनु दुखद घटना-राजेन्द्र ,लिंदेन

झापा । राष्ट्रिय प्रजातन्त्र पार्टीका प्रभावशाली नेता राजेन्द्र लिङदेनले मेची अस्पताल भद्रपुरमा ज्यान गुमाएका किशोर सुनारले उपचार नपाएर ज्यान गुमाउनु परेको भन्दै चिन्ता व्यक्त गरेका छन् । उनले सामाजीक संजाल मार्फत अस्पताल चहार्दा चहार्दै सुनारले ज्यान गुमाउनु परेको भन्दै प्रधानमन्त्री केपीशर्मा ओलीको समेत ध्यानाकर्षण गराएका हुन् ।

"उनले सामाजीक संजालमा लेदेका छन्, @PM_Nepalझापामा फुटबल खेल्दा घाईते भएका किशोर सुनारको उपचारका लागि अस्पताल चाहर्दा चाहर्दै ज्यान गयो। यो त प्रतिनिधि घटना मात्र हो। अस्पतालहरूमा भर्ना र उपचार नपाएर ज्यान गुमाउनेको संख्या कोरोनाका कारण ज्यान गुमाउनेहरूको भन्दा ठूलो छ। अस्पतालहरूको लापर्वाही कोरोना भन्दा खतरा भो ।,

मंगलबार बिहान कनकाई नगरपालिका ५ का १७ वर्षिय किशोर सुनारको मेची अस्पताल भद्रपुरमा मृत्यु भएको थियो। उनि केही दिन अघि फुटबल खेल्दा बलले छातीमा लागेर घाइते भएका थिए। घरमै आराम गरिरहेका उनको स्वास्थ्य अवस्था बिग्रिँदै गयो। उनी झापाको विर्तामोडमा रहेको बिएण्डसी अस्पताल उपचारका लागि पुगे ।

त्यो बेला उनको श्वासप्रश्वासमा समस्या भइरहेको थियो। कोरोना भाइरस सङ्क्रमणको शंका गरेर बिएण्डसी अस्पतालले पिसिआर रिपोर्ट माग्यो र उपलब्ध नगराए उपचार गर्न नसकिने उक्त अस्पतालले जानकारी दियो।
त्यहाँ उपचार संभव नभएपछि विर्तामोडकै कनकाई अस्पतालमा उपचारका लागि गए। त्यहाँ पनि पिसिआर रिपोर्ट मागे। त्यहाँ पनि सुनारको उपचार संभव भएन।

मंगलबार बिहानको राति करिब २ बजेतिर उनलाई लिएर उनका अभिभावक मेची अस्पताल भद्रपुर पुगे। मेची अस्पताल भद्रपुरले भर्ना गरेर उपचार शुरु गरेको थियो। तर केही क्षणपश्चात शरीरमा अक्सिजनको मात्रा कम हुँदै गएपछि उनलाई भ्यान्टिलेटर सहितको सघन उपचार चाहियो।

मेची अस्पतालमा उक्त सुविधा नभएपछि भ्यान्टिलेटरका लागि भद्रपुरकै ओम साई पाथिभरा अस्पतालमा सुनारलाई रेफर गरियो। त्यहाँ पनि पिसिआर कै रिपोर्ट मागेपछि उनलाई लिएर उनका अभिभावक फेरि मेची अस्पताल नै पुगे। त्यहाँ इमरजेन्सी कक्षमा उनको मृत्यु गरिएको भएपनि अन्ततः उनको मृत्यु भएको थियो ।

उनको पिसिआर रिपोर्ट पनि नेगेटिभ आएको छ। मेची अस्पताल भद्रपुरका चिकित्सक डा.गोविन्द कँडेलका अनुसार मंगलबार साँझ आएको सुनारको पिसिआर रिपोर्ट नेगेटिभ आएको हो।