अनिता घिमिरे,पोखरा । पोखरामा मंगलबार रातीदेखि ५ दिने निषेधाज्ञा जारी छ । बुधबार लकडाउनको पहिलो दिन हो । पहिलो दिन पोखराको पुरै बजार सुनसान छ ।
प्रशासनले विहान ५ बजेदेखि ८ बजेसम्म खाद्य सामाग्रीका पसल खोल्न छुट दिएको भएपनि पहिलो दिन अधिकांश पसल बन्द छन् । विहानको समय र पहिलो दिन ग्राहक पनि नआएकाले बन्द गरेको खाद्य सामाग्री सञ्चालकले बताएका छन् ।
खुलेका खाद्य पसलमा पनि निकै कम भिडभाड छ । सडकमा नेपाल प्रहरी र सशस्त्र प्रहरीले गस्ती र सुरक्षा जाँच गरिरहेका छन् ।
करिब ६ सयको संख्यामा नेपाल प्रहरी परिचालन भएको कास्कीका प्रहरी प्रमुख एसपी जीवन श्रेष्ठले बताए । सबैले लकडाउन पालना गरेकाले अहिलेसम्म कसैलाई कारवाही गर्न नपरेको उनले जानकारी दिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
