मुक्ति न्यौपाने,पाल्पा । एकै दिन पाल्पामा २८ जनामा कोरोना संक्रमत थपिएका छन् । उनीहरू मध्ये रम्भा गाउँपालिकाका ९ जना र बाकी १९ जना तानसेन बजार क्षेत्रका हुन् । जसमा ४ जना वडा अध्यक्ष र वडा सदस्यहरू रहेका छन् ।
यस्तै तानसेन हस्पिटलहरूबाट स्वाव लिइएका ३ जना बिरामीमा पनि कोरोना देखिएको छ । उनीहरू तानसेन, रम्भा र रिब्दीकोटका हुन् । तानसेनका सङक्रमितहरू मध्ये ९ जनाको ट्राभल हिस्ट्री छ भने बाँकी ८ जना ट्राभल हिस्टी नभएका सङक्रमित भएको स्वास्थ्य कार्यालय पाल्पाका सूचना अधिकारी ओम प्रकाश पन्थीले बताए ।
जसमध्ये एक जना वडा नं.८ को कोरोनाबाट मृत्यु भएकी महिलाको श्रीमान् समेत रहेका छन् । रम्भाको वडा न.३, ४ र ५ का पुरूषहरूमा कोरोना सङक्रमण देखिएको हो । तानसेनमा सङक्रमित हुनेहरूमा १४ पुरूष र ३ महिला रहेका छन् । हस्पिटलबाट लिएको स्वावमा कोरोना पोजेटिभ देखिनेमा एक महिला र एक पुरूष रहेका छन् ।
तानसेन नगरभित्रका पुष्टि भएकाहरु ट्राभल हिष्ट्री नभएकाहरु समेत रहेकाले समुदायमा समेत संक्रमण फैलिएको हुन सक्ने अनुमान गरिएको छ । बुधबार बिहान दुई जना तानसेन ८ मा एक जना र पूर्बखोला गाउँपालिकामा एक जनामा कोरोना संक्रमणको पुष्टि भएको थियो ।
बुधबार थपिएका २८ जनासंगै पाल्पामा संक्रमितको संख्या ६ सय ४० पुगेको छ । कोरोना संक्रमणबाट पाल्पामा दुई जनाको मृत्यु भएको थियो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
