आरोहण शाह, वीरगन्ज । पर्सा र बारामा थप १५ जना कोरोना भाइरस संक्रमण पुष्टि भएको छ ।वीरगन्जस्थित नारायणी अस्पतालको प्रयोगशालामा बिहीबार राति गरिएको पिसिआर परिक्षणमा पर्साका ११ र बाराका ४ जनागरी १५ जनामा कोरोना संक्रमण देखिएको छ ।
संक्रमण हुनेमा १४ जना पुरुष र १ जना महिला रहेको नारायणी अस्पतालमा प्रवक्ता डा.अतुलेशकुमार चौरसियाले जानकारी दिए । पर्साका थपिएका ११ जना संक्रमितमध्ये वीरगन्ज महानगरपालिकाका १० जना र छिपहरमाई गाउँपालिकाका १ जना रहेका छन् ।
वीरगन्ज महानगरपालिकाको वडा नम्बर ६, १४, १५, १६ र २६ का एकरएक जना रहेका छन् भने वडा नम्बर १० का दुई जना र वडा नम्बर २९ का तिन जनामापनि संक्रमण भेटिएको छ । यस्तै बाराका पचरौता नगरपालिकाको वडा नम्बर ३ का एक जनामा संक्रमण देखिएको छ ।
सिम्रौनगढ नगरपालिकाको वडा नम्बर ४ का एक जना संक्रमित भएका छन् भने आदर्शकोतवाल वडा नम्बर ५ का दुई जनामा संक्रमण पुष्टि भएको छ । नारायणीको प्रयोगशालामा बिहीबार १ सय २५ जनाको स्वाब पिसिआर परिक्षण गर्दा १५ जनामा संक्रमण देखिएको हो ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
