काठमाडौं । सञ्चारगृहहरुको छाता संगठन मिडिया एलाइन्स नेपालले आफना सबै सदस्यलाई कोरोना महामारीसँग जुध्न र समस्या समाधानका लागि एकताबद्ध भएर लाग्न आग्रह गरेको छ ।
एलाइन्सका अध्यक्ष भाष्कर राज राकर्णिकारले सोमबार एक विज्ञप्ती मार्फत कोरोनाको वर्तमान अवस्था असहज मात्रै नभई भयावह बन्ने तर्फ उन्मुख भएको उल्लेख गर्दै जन चेतना जगाउने काममा लाग्न सदस्यहरुलाई आग्रह गरेका छन ।
विज्ञप्तीमा अवस्था असामान्य र अनियन्त्रित तर्फ उन्मुख भएको संकेतहरु देखा परेकोले महमारीको चेन ब्रेक गर्न आवस्यक भएको भनिएको छ । एलाइन्सले सार्वजनिक स्थानमा भीडभाड नगर्न र अत्यावस्यक बाहेकका अवस्थामा घरबाट बाहिर ननिस्कन सर्वसाधारणलाई आग्रह गर्दै चेन ब्रेकका लागि आवस्यक व्यवस्थापन गर्न सरकार र संबन्धित निकायसँग आग्रह गरेको छ ।
यसैगरी एलाइन्सले कोरोना पीडितको उपचारका लागि अक्सिजनका साथै अस्पतालमा शैय्याको कमि हुन नदिने व्यवस्था गर्न समेत सरोकारवाला निकायहरुलाई आग्रह गरेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
