पूर्वरानी कोमल शाहलाई आइसियूमा राखेर उपचार थालियो, हाई फ्लो अक्सिजनको सपोर्ट

पूर्व राजा ज्ञानेन्द्र शाहको अवस्था भने सामान्य र स्थिर रहेको अस्पताल श्रोतको भनाई

बैशाख १६, २०७८

कालापानी मिडिया

काठमाडौं । कोरोना भाइरसबाट संक्रमित पूर्वरानी कोमल शाहलाई आइसियूमा राखेर उपचार थालिएको छ । शाहमा अक्सिजनको मात्रा कम देखिएपछि आइसियूमा सारिएको हो ।

‘उहाँ ९कोमल०मा श्वासप्रश्वासको समस्या देखिएको र अक्सिजनको समेत कमी देखिएपछि आइसियूमा सारिएको हो । अहिले उहाँलाई हाई फ्लो अक्सिजनको सपोर्टमा राखिएको छ । बाँकी स्वास्थ्य समस्या देखिएको छैन,’ नर्भिक अस्पताल स्रोतले भन्यो।
कोरोना संक्रमण पुष्टि भएपछि पूर्वराजा ज्ञानेन्द्र शाह, उहाँकी धर्म पत्नी कोमल र छोरी प्रेरणाको उपचार काठमाडौंको थापाथलीस्थित नर्भिक अस्पतालमा भइरहेको छ ।
अस्पतालका अनुसार पूर्व राजा ज्ञानेन्द्र शाहको अवस्था भने सामान्य र स्थिर छ । उहाँलाई पनि हाल अक्सिजनकै सामान्य सपोर्ट दिनु परेको भएपनि छोरी प्रेरणालाई भने अक्सिजन दिनु नपरेको अस्पतालले जनाएको छ ।

प्रतिक्रिया दिनुहोस