स्याङ्जामा वालिङ नगरपालिकाद्वारा अक्सिजन सहितको बेड तयार

स्याङ्जा । संक्रमणको दर बढ्न थालेको भन्दै वालिङ नगरपालिकाले अक्सिजन सहितको सुविधा सम्पन्न बेड तयार गरेको छ । तत्कालकालागि गह्रै प्राथमिक अस्पतालको परिसरमा अक्सिजन र निवुलाईजर सहितको बेड तयार पारिएको नगर प्रमुख दिलिप प्रताप खाँणले जानकारी दिए ।

उनले भने, “पहिलो चरणमा ६ वटा बेड तयार गरेका छौं आवश्यक्ता अनुशार थप गर्ने छौं ।” ठाँउको व्यवस्थापन गरिसकिएको जानकारी दिदै नगरप्रमुख खाँणले नागरिकलाई नआत्तिन आग्रह समेत गर्नु गरे । अस्पताल परिसरमा बन्दै गरेको नयाँ भवनलाई सुविधा सम्पन्न आईसोलोसनका रुपमा बिकास गरिने प्रमुख खाँणको भनाई छ । नगरपालिकाले अस्पतालमा नै कोरोनाको एन्टिजेन समेत परिक्षण गर्दै आएको अस्पतालका प्रमुख डाक्टर सरोज थापाले बताए । उनले संक्रमित बढ्ने क्रममा रहेका र त्यही अनुशार तयारी पनि गरिरहेको जानकारी दिए। कोरोना संक्रमित बिरामीहरुका लागि भर्ना गरी सबै खाले सेवा प्रदान गर्ने गरी आफूहरु तयारी अवस्थामा रहेको अस्पतालका अधिकृत तथा सूचना अधिकारी देवेन्द्र प्रसाद भट्टराईले बताए ।

उनले भने, “कोरोना संक्रमितको लागि उपचारमा आवश्यक पर्ने सबै सामाग्रीहरु नगरपालिकाले जुटाई सकेको छ ।” मंगलबार अपरान्ह सम्म वालिङमा सक्रिय संक्रमितको संख्या १ सय ६३ रहेको वालिङ नगरपालिकाका स्वास्थ्य शाखा प्रमुख कमल प्रसाद पाण्डेले जानकरी दिए । दोस्रो पटक फैलिएको संक्रमणबाट वालिङका १ सय ७३ जना संक्रमित भएका छन् जस मध्ये १ जनाको मृत्यु भएको प्रमुख पाण्डेले बताए । पछिल्लो पटक संक्रमित थपिने क्रम जारी छ । मंगलवार मात्रै १६ जना संक्रमित थपिएकाछन् ।