काठमाडौं । नेकपा (एमाले) वरिष्ठ नेता माधव नेपालले दासढुंगा घटनाको यथार्थ पत्ता लगाउन आग्रह गरेका छन् । मदन (आश्रित स्मृति दिवसमा एक वक्तव्य जारी गर्दै यस्तो माग गरेका हुन् ।
पूर्वप्रधानमन्त्रीसमेत रहेका नेपालले भनेका छन्, जननेता कमरेड मदन भण्डारी र कमरेड जीवराज आश्रितको रहस्यमय दासढुंगा जीप दुर्घटनामा दुःखद् निधन भएको २८ वर्ष बितिसक्दा पनि उक्त घटनाको रहस्य बाहिर आएन। घटनासँग जोडिएका अमर लामाको रहस्यमय हत्या हुनुले यस घटनालाई झनै रहस्यमय बनाएको छ । त्यसैले दासढुंङ्घा घटनाको यथार्थ पत्ता लगाउन सम्बन्धित पक्षलाई आग्रह गर्न चाहन्छु ।
दुबै नेताप्रति श्रद्धाञ्जली अर्पण गर्दै नेपालले अहिले एमालेको आन्तरिक जीवनमा असाध्यै संगीन परिस्थिति रहेको बताएका छन् । यतिबेला हामी नेकपा (एमाले)को आन्तरिक जीवनमा असाध्यै संगीन परिस्थितिको सामना गरिरहेका छौं,उनले भनेका छन् । यो बेला एमालेमाथि विभिन्न प्रश्न उब्जेकोसमेत उनले बताएका छन् ।
यो बेला हामी माथि प्रश्न छ, ‘के हामी जनक्रान्तिका उपलब्धिहरूको रक्षा गर्दै शान्तिपूर्ण, संवैधानिक र लोकतान्त्रिक बाटोबाट मुलुकको सामाजिक–आर्थिक रूपान्तरण, राष्ट्रिय पूँजीको विकास र समाजवादमा पुग्ने हाम्रो सपना र प्रतिबद्धता अनुरुप अघि बढी रहेका छौँरु’ हामी माथि प्रश्न छ, ‘जनताको बहुदलीय जनवादले आफ्नो कार्यक्रममा १४ विशेषताको रुपमा अघि सारेको लोकतान्त्रिकरणको मूल्य-मान्यतालाई स्वंयम् हामीले आत्मसात गरीरहेका छौंरुु यी प्रश्नको समाधान खोज्न अहिले मदन र जीवराजले परिकल्पना गरेको सुन्दर, शान्त, समृद्ध, सामाजिक न्याय र समानतायुक्त नेपालको सपना साकार पार्न प्रतिबद्ध हुनपर्ने समय आएको उनले बताएका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
