जनता रहे पो म राजनीति गर्छु भन्दै मेयर राणा संक्रमितको सेवामा

नेपालगन्ज । नेपालगन्ज उपमहानगर पछिल्लो समय आइसोलेसन बनाउनेदेखि विरामीका लागि अत्यावश्यक सेवा सुविधा उपलब्ध गराउने र स्वास्थ्यकर्मीको व्यवस्थापनमा समेत अग्रपंक्तिमा देखिएको छ । बिशेषगरी यस कार्यकालागि नेपालगन्ज उपमहानगरपालिकाका मेयर डा.धवलशम्सेर राणाको भुमिका सराहनिय छ ।

आफुसंगै उपमेयर उमा थापा मगर, स्वास्थ्य शाखा प्रमुख रामबहादुर चन्द, जिल्ला कोभिड–१९ संकट व्यवस्थापन केन्द्र बाँकेका कोरोना फोकल पर्सन तेज वली, जागेश्वर बस्तेन लगायतलाई साथमा लिएर प्रमुख राणले यतिबेला कोरोना रोकथाम तथा विरामीको प्रभावकारी सेवाकालागि जीउ ज्यान लगाएर काम गरिरहेका छन् ।

डा.राणा बिरामीलाई आत्मबल बढाउनकैलागि होस वा हौसला प्रदान गर्न होस दिनहु अस्पतालमा विरामीले भरीएका शैय्या वरीपरी नै हुन्छन् । आफ्नै निगरानीमा उनिहरुलागि खानपानको व्यवस्था पनि गराएका छन् ।

आफ्नो ज्यानको प्रभाह नगरी हरेक दिन आइसोलेसन सेन्टरहरूको व्यवस्थापनमा खटिँदै मेयर प्रत्यक्ष विरामीको निगरानीका साथै यतिबेला कृत्रिम अभाव देखाइएको अक्सिजन सिलिण्डरको खोजीमा नेपालगन्जका टोलटोलमा आफैं भौतारिरहेका छन् ।

उनि भन्छन्, म जनताको जनप्रतिनीधि हु । मलाई यहासम्म पु¥याउने मेरा प्यारा जनता नै नरहे म कसकालागि र केकालागि  राजनीति गर्ने ? यो बेला हातमा हात राखेर टुलुटुलु हेरीरहने होइन, आफुले जहाँ जसरी सहयोग गर्न सकिन्छ सकुन्जेल गर्ने हो । आफ्नै अगाडी जनता छट्पटाइरहेको देख्दा न मलाई भोक लाग्छ न निन्द्रा नै । मैले बिरामीसंग र उनका आफन्त संग भेटघाट गर्दैमा पनि उाहाहँहरुको आत्मबल बढ्छ उनको विश्वास छ ।,

अहिले उपमहनगरले विरामी बोक्नका लागि आफ्ना सवारी साधन समेत प्रयोगमा ल्याएको छ । यसले विरामीलाई ओसारपोसारमा सहज भएको नेपालगन्जबासीहरु बताउँछन् । यतिबेला नेपालगन्जबाट भारतका साथै बाहिर जिल्लामा अक्सिजन तस्करी भइरहेका समाचारहरु आइरहेका छन् । तर, बाँकेमा अभाव देखाइएको छ । नेपालगन्जमा रहेका आइसोलेसन र कोभिड अस्पतालमा अक्सिजन अभाव हुन नदिन नेपालगन्जमा मेयर डा.राणा गाउँबस्तीमा अक्सिजनका सिलिण्डरको खोजीमा आफैं जुट्छन्, सिलिण्डर आफै बोक्छन् र अस्पताल सम्म पु¥याउछन् ।

डा.राणाकै पहलमा उपमहानगरले हालसम्म तीनवटा आइसोलेसन निर्माण गरिसकेको छ । जसका कारण गम्भीर प्रकृतिका बिरामीलाई उपचारमा सहज भएको छ । मेयर राणाले नेपालगन्जका उद्योगी, व्यापारी, विभिन्न संघसंस्था, समाजसेवी लगायत सहयोगी हातहरुप्रति हार्दीक आभार व्यक्त गरेका छन् ।