काठमाडौं । जतिसुकै बिषम परिस्थीती भएपनि सधैव सामाजिक कार्यमा सकृय रहने समाजसेवीको नाम हो नविन शाही ।नाकाबन्दी होस वा कोरोनाको महामारी गरीव दुखीको सेवामा समर्पित हुन्छन् उनि । कोहिपनि भोकै बस्न नपरोस भन्ने चाहना अनुरुप उनि आफुले सक्ने सहयोग जो कोहीलाई पनि गर्न पछि पर्दैनन् ।
नाकाबन्दीकाबेला मात्रै होइन उनले पहिलो चरणको कोरोना संक्रमणका बेला पनि गरीव, असशायका घर घरमा तरकारी, फलफुल लगायत खाद्यान्न बोकेर पुगे । यति सम्मकि उनले कोरोनाबेला गाइबस्तुलाई समेत भोकै बस्न दिएनन् । हो तिनै नविन शाही अहिले दोश्रो चरणको कोरोना संक्रमणमापनि समाजसेवामा समर्पित देखिन्छन् ।
उनि कालिमाटी फलफूल तथा तरकारी बजार व्यवसायी संघका सदस्य हुन् । तर, कालीमाटी बजारमा उनको छुट्टै पहिचान छ । कोही कसैसंग रुखो स्वाभाव नदेखाउने, मिलनसार भएकै कारण उनि पटक पटक संघमा विजयी हुने गरेका छन् । राष्ट्रिय प्रजातन्त्र पार्टीका केन्द्रिय सदस्य समेत रहेका शाहिले बिभिन्न सामाजिक संस्थाहरुलाई खाना ख्वाउने कार्यकालागि निरन्तर रुपमा तरकारी उपलब्ध गराई रहेका छन् ।
उनले महालक्ष्मीस्थान बटुक भैरब मन्दिर परिसर, पशुपति भष्मेश्वर घाटको पारिपट्टि खाना ख्वाउने बिभिन्न सामाजिक संस्था तथा समुहहरुलाई निरन्तर रुपमा तरकारी उपलब्ध गराइरहेका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
