बाँके । नेपालगन्ज उपमहानगरपलिकाका मेयर डा धवलशमशेर राणाले भेरी अस्पतालमा कोरोना उपचारमा संलग्न स्वास्थ्यकर्मीलाई आक्रमण गर्ने माथी कारबाहीको माग गरेका छन् । उनले सामाजीक संजार ट्विटर मार्फत महामारीमा अग्रपंक्तिमा रहि बिरामी बचाऊन ज्यानको बाजी लगाएर अहोरात्र खटिने स्वास्थ्यकर्मी माथी भएको आधmमणको निन्दा गर्दै कारबाहीको माग गरेका हुन् । उनले लेखेका छन्, महामारीमा अग्रपंक्तिमा रहि बिरामी बचाऊन ज्यानको बाजी लगाएर अहोरात्र खटिने भेरी हस्पिटलका स्वास्थ्यकर्मी माथी गएराती गरिएको दुर्ब्यवहार र विध्वंसात्मक हर्कत अक्षम्य र अपराधीक छन । तत्काल कार्बाहीको गरियोस् !!
बाँकेको नेपालगञ्जस्थित भेरी अस्पतालमा उपचारका क्रममा कोरोना संक्रमितको मृत्यु भएपछि मृतकका आफन्तले चिकित्सकलाई दुर्व्यवहार गर्दा अस्पतालमा तनाव भएको छ। भेरी अस्पतालमा दाङका डिल्ली रावतको उपचारको क्रममा मृत्यु भएपछि मृतकका आफन्तहरुले चिकित्सकलाई दुव्र्यवहार गरेको जिल्ला कोभिड–१९ संकट व्यवस्थापन केन्द्र, बाँकेका फोकलपर्सन तेज वलीको भनाई छ ।
गत जेठ ४ गते भेरी अस्पतालमा भर्ना गरिएका रावतको स्वाथ्य अवस्था गम्भीर भएपछि चिकित्सकले भेन्टिलेटरमा राखेर उपचार गरेका थिए। उपचारका क्रममा उनको मृत्यु भएपछि मृतकका छोरा र भाइहरूले भेन्टिलेटरमा राखेर उपचार गर्दा मृत्यु भएको भन्दै डाक्टर चन्द्रप्रकाश साहु र नर्सहरु अस्मिनी गुरुङ र सदीक्षा गैरैमाथि हातपात गरेको अस्पताल प्रशासनले जानकारी दिएको छ। हातपात गरेपछि उनीहरु हामफालेर ज्यान जोगाएका थिए।
आफुहरु नभागेको भए उनीहरुले जे पनि गर्ने भन्दै कारबाही गर्नुपर्ने माग राखेका छन्। अस्पतालमा स्वास्थ्यकर्मी तितरबितर हुँदा दुई बिरामीको मृत्यु समेत भएको अस्पतालको भनाइ छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
