काठमाडौं । चौधरी ग्रुपले आजदेखि इन्टरनेट सेवा शुरु गरेको छ । सिजी नेटले मंगलबारदेखि उच्च गतिको इन्टरनेट सेवा शुरु गरेको निर्वाण चौधरीले बताए । ‘उच्च गतिको इन्टरनेट सस्तो शुल्कमा आजदेखि सिजीले इन्टरनेट सुविधा ल्याएको छ, हाल काठमाडौंमा मात्रै भएको यो सुविधा बिस्तारै देशका अन्य भागमा पनि उपलब्ध हुनेछ,’ चौधरीले भने ।
उनले डिजिटल नेपाल बनाउने अभियानमा चौधरी ग्रुपको प्रतिबद्धता रहेको उनको भनाइ छ । उनले १२० एमबीपीएसको स्पिड इन्टरनेट मासिक ९९९ रुपैयाँमा मात्रै उपलब्ध गराउने बताए ।
यस्तो छ प्याकेज
१२० एमबीपीएस गति भएको इन्टरनेट १ महिनाका लागि ९९९ रुपैयाँ तोकिएको छ भने २ महिनाका ालगि २ हजार ९९७ रुपैयाँ, ६ महिनाका लागि ५ हजार ९९४ रुपैयाँ र १२ महिनाका लागि११ हजार ९८८ रुपैयाँ तोकिएको छ ।
यसका लागि इन्स्टलेसन शुल्न, ड्रप वायर शुल्क भने निःशुल्क गरिएको छ ।
त्यसका साथै सिंगल राउटरका लागि एक महिनाको प्याकेज लिँदा २५००, ३ महिनाको प्याकेज लिँदा २ हजार, ६ महिना प्याकेज लिँदा १५०० रुपैयाँ र १ वर्षको प्याकेज लिँदा निःशुल्क गरिएको छ ।
त्यसैगरी डबल राउटर राख्नेले एक महिनाको प्याकेज लिँदा ३५०० रुपैयाँ, ३ महिनाको प्याकेज दिँदा ३ हजार रुपैयाँ, ६ महिनाका प्याकेज लिँदा २५०० रुपैयाँ र १ वर्षको प्याकेज लिँदा निःशुल्क गरिएको छ । साथै रिफन्डेबल डिपोजिटका रुपमा ५ सय रुपैयाँ बुझाउनुपर्ने छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
