काठमाडौं महानगर सँग भगिनी सम्बन्ध गास्दा जुम्लालाई बागमती उपहार (फोटोफिचर)

सपना रावत, जुम्ला । आज अंग्रेजी क्यालेन्डर अनुसार जुन ५ अर्थात संसारभर विश्व वातावरण दिवसको रुपमा मनाइन्छ । जुम्लामा यसपटक कोभिड ( १९ को कारण औपचारिक कार्यक्रमको आयोजना नगरिए पनि सामान्य नागरिक देखि स्थानिय जनप्रतिनिधि सम्मले ूविश्व वातावरण दिवसू को शुभकामना दिएको सामाजिक सञ्जालमा देख्न र पढ्न पाइन्छ । शुभकामना दिने काममा जुम्लाका जनप्रतिनिधिले कुनै कन्जुस्याइँ गरेको पाइदैन ।

सरोकारवालाले विश्व वातावरणको शुभकामना दिइरहेको बेला जुम्लाको एकमात्र नगरपालिका चन्दननाथ नगरपालिकाु को मुटुमा बग्ने जुगाड खोला दिनप्रतिदिन दुर्गन्धित बन्दै गएको छ । खोला यसरी दुर्गन्धित हुँदा पनि यसमा कसैको ध्यान गरेको छैन । जुम्ला जिल्लाकै एकमात्र चन्दननाथ नगरपालिकाको भवन पछाडि बाटै भएर बग्ने यस जुगाड खोला दुर्गन्धित हुदा पनि नगरपालिकाले ध्यान नदिनु ठूलो बेइज्जतको कुरा भएको पाँच नम्बर वडा सदस्य हरि प्रसाद श्रेष्ठले बताए ।

सदस्य श्रेष्ठले चन्दननाथ नगरपालिका र काठमाडौं महानगर बिचको भगिनी सम्बन्धको उपहार जुम्लालाई बागमती स्वरुप जुगाड खोलाू भएको व्यंग्य गरे । उनका अनुसार चार महिना अघि व्यक्तिगत रुपमा उनले नगरपालिकामा निवेदन दिदा र नगर बैठकमा पनि यसबारे कुरा उठाउदा कुनै सुनुवाइ नभएको गुनासो गरे । ूनगरपालिकाले वडा सदस्यकै कुरा त सुन्दैन भने, सामन्य जनताको कुरा कसरी सुन्छ र रुू उनले उल्टै प्रश्न गरे ।

भाषणमा मात्र ठुला कुरा गर्ने नेतालाई यस जुगाड खोलाको बढ्दो फोहोर मैलोले उनिहरुलाई नाङ्गै बनाएको छ । खलंगा बजार भित्रको फोहोर नगरपालिकाले नउठाउदा समयसमयमा विभिन्न युवा, स्थानिय क्लब र नागरिकको पहलमा सरसफाइ गरिदै आएको छ । कयौंपटक नागरिक र युवास्तर बाट जुगाड खोला सरसफाइ गरि दबाब दिदा पनि नगरपालिका र यहाका सरोकारवालाको ध्यान जान सकेको छैन ।