विर्तामोड । राप्रपा नेता राजेन्द्र लिङदेनले पाँच पूर्वप्रधानमन्त्रीहरुले शनिबार जारी गरेको संयुक्त वक्तव्यलाई लिएर प्रश्न उठाएका छन् ।
नेता लिङदेनले सामाजिक सञ्जालमार्फत ५ पूर्वप्रधानमन्त्रीले वक्तव्यमार्फत बाह्य हस्तक्षप रोक्न गरेको अपिलमा कटाक्षसमेत गरेका छन् ।
पूर्वप्रधानमन्त्रीहरु शेरबहादुर देउवा, पुष्पकमल दाहाल प्रचण्ड, माधवकुमार नेपाल, झलनाथ खनाल र बाबुराम भट्टराईले संयुक्त वक्तव्य जारी गर्दै नेपालको आन्तरिक राजनीतिमा वाह्य शक्तिको प्रत्यक्ष वा परोक्ष हस्तक्षेप एवं चलखेल हुन नपाओस् भन्ने कुरामा सजग हुनुपर्ने बताएका थिए ।
तर नेता लिङदेनले भने बाह्य हस्तक्षेप नहोस् भन्ने पूर्वप्रमहरुको वक्तव्य लामो समय सत्ताबाहिर रहनुपर्दाको औडाहा मात्र रहेको हुनसक्ने बताएका छन् ।
नेता लिङदेनले आफूहरु नेतृत्वमा हुँदा बैदेशिक हस्तक्षेपलाई गरिएको आमन्त्रण गलत रहेछ भन्ने आत्मबोध त भएको होइन भन्दै प्रश्नसमेत गरेका छन्।
उनले लेखेका छन्,’नेपालको आन्तरिक राजनीतिमा बाह्य शक्तिको प्रत्यक्ष वा परोक्ष हस्तक्षेप एवंम चलखेल नहोस भन्ने पूर्व पाँच प्रधानमन्त्रीहरुको वक्तव्य लामो समय सत्ता बाहिर बस्नु पर्दाको औडाहा मात्र होकी रु नेपालमा वैदेशिक हस्तक्षेप आमन्त्रणमा विगतमा निर्वाह गरिएको भूमिका, विदेशीहरूले तय गरेकोे मार्ग चित्रको यात्रा गलत भएछ भन्ने सामुहिक आत्मवोध पनि हो ?,
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
