काठमाडौं । राउटे युवतीमाथि यौन दुर्व्यवहार गर्ने तीनै जना पुर्पक्षका लागि जेल चलान भएका छन्। जिल्ला अदालत सुर्खेतले उनीहरूलाई पुर्पक्षका लागि जेल चलान गरेको हो।
सुर्खेतको गुर्भाकोट नगरपालिका स्थायी घर भएका दोमनबहादुर घर्ती, भूपेन्द्र बुढा र होटल सञ्चालक विनोद पुनलाई पुर्पक्षका लागि जेल चलान गरिएको जिल्ला अदालत सुर्खेतले जनाएको छ। न्यायाधीश डिलप्रकाश सापकोटाको एकल इजलासले यौन दुर्व्यवहार गर्ने तीन जनालाई जेल चलान गरेको हो।
उनीहरूले राउटे समुदायका १९ र २३ वर्षकी युवतीलाई जेठ २१ गते होटलमा लगेर मदिरा सेवन गराई यौन दुर्व्यवहार गरेको भिडियो जेठ २३ गतेदेखि सामाजिक सञ्जालमा भाइरल बनेपछि प्रहरीले तत्काल यनिहरुलाई पक्राउ गरेको थियो। उनीहरूविरूद्ध मानव ओसारपसार, यौन दुर्व्यवहार र जबर्जस्ती करणीको मुद्दा दर्ता भएको थियो।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
