राप्रपाको मुद्धा लोकप्रिय बन्दा राप्रपा किन लोकप्रिय बन्न सकेन ? नेता लिङदेन

काठमाडौं । राप्रपाका नेता राजेन्द्र लिङ्देनले हिन्दुराष्ट्र, राजसंस्था र संघीयताको बारेमा पार्टी भित्र गहन छलफल हुनुपर्ने धारणा व्यक्त गरेका छन् ।

उनले तत्कालीन राप्रपा नेपालले कष्टपूर्ण दिनहरुमा संघर्ष गरेर यहा सम्म ल्याइ पु¥याएको मुद्धामा पार्टीभित्र गहन छलफल हुनुपर्ने धारणा राखेका हुन् । यस बिषयमा ठूला राजनीतिक दलहरूमा छलफल, बहस हुनु स्वभाविक भएकोभन्दै उनले राप्रपाको मुद्धा लोकप्रिय बन्दै गर्दा राप्रपा किन लोकप्रिय बन्न नसकेको भनेर प्रश्न समेत गरेका छन् ।

उनले ठूला दलहरुले आफ्नो मुद्धामा छलफल अगाडी बढाइरहदा हाम्रो मुद्दा सफल भयोकि भएन भन्दै रमाउनु भन्दापनि आफु कसरी सफल हुने तिर पार्टीपंक्तिको ध्यान केन्द्रीत गरेका छन् । ठूला दलहरूको सकारात्मक भाव भन्दा पनि यो मुद्दा पक्षीय जनमतलाई अलमल्याउने रणनीति मात्र भएको उनको स्पष्टोक्ति छ ।

उनले भनेका छन्, राप्रपामा खासगरी तात्कालिन राप्रपा नेपालले असाध्यै कष्टपूर्ण दिनहरूमा बोकेको मुद्दा राजसंस्था, हिन्दुराष्ट्रको पक्ष र संघीयताको विपक्षमा जनमत बलियो बन्दै गएपछि त्यो जनमतलाई कसरी आफ्नो पक्षमा पार्न सकिन्छ भनेर ठूला राजनीतिक दलहरूमा छलफल बहस हुनु स्वाभाविक हो। यत्तिकैमा राप्रपाका कार्यकर्ताले बुरुक्क बुरुक्क उफ्ररेको देख्यौ । हाम्रो मुद्दा सफल भयोकि भएन त भन्दै रमाउने समय यो होइन । ती दलहरूको यो मुद्दा प्रतिको सकारात्मक भाव भन्दा पनि यो मुद्दा पक्षीय जनमतलाई अलमल्याउने रणनीति मात्र हो भन्ने कुरा राप्रपा र यसका नेता कार्यकर्ताले बुझ्न जरुरी छ। राप्रपाको मुद्दामा राप्रपामा भन्दा बाहिर ठूलो समुदाय छ। समान विचार भएर पनि राप्रपा बाहिरका ती ब्यक्ति, समूह र सँस्थाहरू किन राप्रपाको हुन सकेनन ? मुद्दा लोकप्रिय बन्दा हामी किन लोकप्रिय बन्न सकेनौँ ? जनताका तहमा २०६४ पछि हाम्रो मुद्दा अहिले सबैभन्दा बलियो बनेको छ तर हामी किन यस्तो कमजोर अवस्थामा छौँ ? यसको निर्मम समिक्षा गरेरमात्र राप्रपा अघि बढ्न सक्छ। हामी अघि बढ्न सक्छौँ।