भारतीय सेना कालापानीबाट हटाउनस पर्छ-कमल थापा

कञ्चनपुर ।
राप्रपा अध्यक्ष कमल थापाले राप्रपा ९संयुक्त० का अध्यक्षद्वय पशुपतिशमशेर राणा र डाक्टर प्रकाशचन्द्र लोहनीलाई पार्टी एकताको अबसरलाई सदुपयोग गर्न आग्रह गरेका छन् ।
मुलुकमा बलियो राष्ट्रबादी प्रजातान्त्रिक शक्तिको आबश्यकता छ, त्यसको परिपुर्तिको निमित्त समान बिचार भएका शक्तिहरु एकै ठाउँमा आउन ढिला गर्नुहुन्न भन्दै थापाले सस्थापन पार्टीको अध्यक्षको हैसियतले हदै सम्मको लचकता प्रदर्शन गर्दै एकताको प्रयास भइरहेको समेत बताए ।

अबसरलाई सदुपयोग गर्दै पार्टी एकताको बिषयलाई चाढो टुंगोमा पुर्याउनु पर्नेमा उनको जोड थियो । राप्रपा काङ्ग्रेस कम्युनिस्टको बिकल्पको शक्ति भएको भन्दै उनिहरुको भाइ पार्टी नहुने स्वतन्त्र र मौलिक अस्तित्वलाई कायम राख्दै पार्टी एकता गर्नुपर्ने थापाको भनाई थियो । थापाले आफु एकताको बिषयमा आशावादी रहेको समेत बताए ।

आइतबार मिडिया नेपाल कञ्चनपुरले महेन्द्रनगरमा आयोजना गरेको पत्रकार सम्मेलनमा अध्यक्ष थापाले राजा महेन्द्र र प्रधानमन्त्री किर्तिनिधी विष्टका पालामा उत्तरतिर बसेका भारतीय सेनालाई फिर्ता पठाएको बताउँदै अहिलेको सरकारले भारतीय सेना फिर्ता पठाउनका लागि कुटनैतिक पहल गर्नुपर्ने बताए ।

लिपुलेक, कालापानी र लिम्पियाधुरा नेपालको अखण्ड भूमि रहेको बताउँदै उनले अझैसम्म पनि भारतीय सेना कालापानीमा रहनु दुःखत भएको बताए ।

नेपालको आन्तरिक विवादका कारण मिलिनियम च्यालेन्ज कर्पोरेसन ९एससिसी० सम्झैता धरापमा पर्ने खतरा रहेको औल्याउँदै त्यसतर्फ सरकारलाई सचेत रहन आग्रह गरे । उनले सबै मुलुकले आफ्नो नीति अनुरुप नेपाललाई सहयोग गर्ने बताउँदै अहिले अमेरिकाले गर्ने सहयोगलाई गलत विषयमा अथ्र्याउन नहुने बताए ।

अध्यक्ष थापाले मुलुकमा भ्रष्टाचार र धर्मान्तर मौलाएका कारण लोकतन्त्र खतरामा रहेको चिन्ता व्यक्त गरे । उनले एनसेल प्रकरण, वाइडवडीदेखि सार्बजनिक जग्गामा समेत लुट भैरहेकोमा तीब्र रोष प्रकट गरे । लोकतन्त्रको आबरणमा ब्रम्हलुट भएको भन्दै थापाले लुटतन्त्रले लोकतन्त्रमाथी गम्भीर प्रहार गरिरहेको भन्दै चिन्ता प्रकट गरे ।