सुनको भाउ तोलाको ७६ हजार पुगेको छ। केहि दिनदेखि बढिरहेको सुनको भाउ सोमबार तोलाको ७६ हजार पुगेको हो। सोमबार मात्र तोलाको पाँच सयले बृद्धि भएपछि सुनको भाउ अहिले सम्मकै उच्च भएको छ।
आईतबारमात्रत्र एक हजारले बृद्धि भएको थियो। सुनको भाउ बृद्धि भएपछि कारोबार कम हुने व्यावसायीहरुको चिन्ता छ। यो साताको पाँच दिनमा मात्र सुनको भाउ तोलामा झण्डै २५ सय रुपैयाँ बढेपछि कारोबार ठप्प जस्तै भएको नेपाल सुनचाँदी व्यवसायी महासङ्घको मूल्य निर्धारण समितिका संयोजक तेजरत्न शाक्यले बताए। गत वर्ष यो समयमा दैनिक ५८ देखि ६० किलो सुन बिक्री हुने गरेकामा हिजो आज मुश्किलले दैनिक १० किलोको मात्र व्यापार हुने गरेको उनले बताए। अन्तर्राष्ट्रिय बजारमा सुनको भाउ बढिरहेकाले अझै बढ्ने अनुमान गरिएको छ।
अमेरिका र ईरानबीचको तनाव, डलर बलियो तथा भारतीय रुपैयाँ कमजोर भएकाले पनि नेपालमा सुनको भाउ बढेको हो।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
