काठमाडौं । नेपाल विद्युत प्राधिकरणको कार्यकारी निर्देशकमा अन्तत :कुलमान घिसिङ नियुक्त भएका छन् ।
गत सोमवार बसेको मन्त्रिपरिषद् बैठकले उनलाई प्राधिकरणको कार्यकारी निर्देशकमा नियुक्त गरेको हो । गत भदौ महीनामा चार वर्षे कार्यकाल पुरा गरी विदा भएका उनलाई सरकारले पुनः प्राधिकरणको कार्यकारी निर्देशकमा नियुक्त गरेको हो ।
नेपालमा लोडसेडिङ हटाउन प्राधिकरणको नेतृत्वमा रहेर भूमिका खेलेका घिसिङलाई पुनर्नियुक्त गर्न तत्कालीन प्रधानमन्त्री केपी शर्मा ओलीले चौतर्फी दवाव हुँदा पनि गरेका थिएनन् । घिसिङ नियुक्त भएसँगै हितेन्द्रदेव शाक्यलाई भने जल तथा उर्जा आयोगको पूर्णकालिन सदस्यका रुपमा ४ वर्षका लागि नियुक्ती गरिएको छ ।
सरकारले सोमबार घिसिङलाई नियुक्त गर्ने निर्णय गरेसँगै मंगलबार शाक्यले प्राधिकरणका कर्मचारीसँग विदा मागेर हिँडेका थिए । नियुक्ती पत्र नबुझेकाले घिसिङले मंगलबार पदभार ग्रहण गरेका थिएनन् । घिसिङले बुधबार पदभार ग्रहण गर्नेछन् ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
