मेम्फिस डिपेको शानदार प्रदर्शनमा विश्वकप फुटबलको छनौट अन्तर्गत शनिबार राति भएको खेलमा नेदरल्याण्ड्स विजयी भएको छ ।
नेदरल्याण्ड्सले मोन्टेनेग्रोलाई ४–० ले पराजित गरेको हो ।
घरेलु मैदानमा भएको खेलमा नेदरल्याण्ड्सका लागि डिपेले ३८ औँ मिनेटमा पेनाल्टी मार्फत पहिलो गोल गरे । उनले ६२ औँ मिनेटमा अग्रता दोब्बर पारे ।
जर्जिनिओ विनाल्डमले ७० औँ मिनेटमा तथा कोडी गाक्पोले ७६ औँ मिनेटमा गोल गरे । जितपछि पाँच खेलबाट १० अंकसहित नेदरल्याण्ड्स समूह जीको दोस्रो स्थानमा उक्लिएको छ ।
शनिबार राति भएको खेलमा फ्रान्स युक्रेनसँग १–१ को बराबरीमा रोकियो । समूह डी को शीर्ष स्थानमा रहेको फ्रान्सको ९ अंक छ ।
अरु खेलमा स्कटल्याण्डले माल्डोभा, फिनल्याण्डले काजखस्तान, स्लोभेनियाले माल्टा तथा डेनमार्कले फारोइ आइल्याण्डलाई समान १–० ले पराजित गरेका छन् ।
यस्तै सर्बियाले लग्जम्बर्गलाई ४–१ तथा नर्वेले साइप्रस र रुसले साइप्रसलाई समान २–० ले पराजित गरेका छन् । यसैगरि इजरायलले अस्ट्रियालाई ५–२ तथा टर्कीले जिब्रालटारलाई ३–० ले पराजित गरेको छ । यस्तै रिपब्लिक अफ आयरल्याण्ड र अजरबैजानले १–१ को बराबरी खेलेका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
