माले महासचिवमा सीपी मैनाली पुन:चयन

चितवन । नेकपा मालेको महासचिवमा पुनः सीपी मैनाली निर्वाचित भएका छन् । नारायणगढमा भएको पार्टीको आठौं महाधिवेशनले नयाँ नेतृत्वसहित केन्द्रीय समिति चयन गरेको हो । कुमार बेलवासेले मैनालीलाई महासचिवको रुपमा गरेको प्रस्तावलाई निर्वाचन कमिटी अध्यक्ष मण्डलले सर्वसम्मती निर्णय हो । मैनालीले लामो समयदेखि पार्टीको नेतृत्व सम्हाल्दै आएका छन् ।

३०३५ सालमा नेकपा मालेको स्थापना भएको थियो । त्यसबेला मैनाली नै महासचिव भएका थिए । २०४७ सालमा तत्कालिन नेपाल कम्युनिस्ट पार्टी (मार्क्सवादी) र नेकपा मालेको एकीकरण भइ नेपाल कम्युनिस्ट पार्टी (एकीकृत मार्क्सवादी लेनिनवादी) बनेको थियो ।

नेकपा एमालेबाट फेरि छुट्टिएर माले भएको थियो । त्यसबेला बामदेव गौतम महासचिव भएका थिए। २०५८ सालमा गौतमसहितका नेताहरु फेरि एमालेमै फर्किएपछि मैनालीले पार्टीको नेतृत्व सम्महाल्दै आएका छन् ।

देशभरबाट ३५० जना प्रतिनिधिले भाग लिएको महाधिवेशनले बढीमा ८१ जना सदस्य रहने केन्द्रीय कार्यसमिति विस्तारको जिम्मा महासचिवलाई दिएको छ । निवर्तमान रहेका ५८ जना सदस्यलाई कायम राख्ने निर्णय गरेको छ ।

पुस महिनामा बस्ने दोस्रो केन्द्रीय समितिको बैठकले समिति विस्तार गरेर ८१ सदस्यीय केन्द्रीय समिति चयन गर्ने अनमति महासचिवलाई दिएको छ । उक्त बैठकबाट केन्द्रीय कार्यसमितिलाईको पदीय जिममेवारी बाँडफाँड हुने केन्द्रीय सदस्य दिननाथ घिमिरेले बताए। ‘ महाधिवेशनले हाम्रो कार्यनिति सहितको दस्तावेश पारित भएको छ,उनले भने, पुसको बैठकले पद विभाजन हुन्छ ।’

महाधिवेशनले संवैधानिक राष्ट्रप्रमुख र प्रत्यक्ष निर्वाचित कार्यकारी प्रमुखको ब्यवस्थाको कार्यनीति पारित गरेको छ । बेलायती मोडेलको संसदीय व्यवस्था खारेज गरेर नेपाली लोकतान्त्रिक ढाँचाको संसदीय व्यवस्था राख्नुपर्ने माग गरेको छ।

प्रदेश हटाउने व्यवस्थापनको पक्षमा माले उभिएको छ । स्थानीय तह र जिल्लालाई अधिकार सम्पन्न बनाएर प्रदेश संरचना हटाउनुपर्ने निर्णय गरेको छ। मालेको महाधिवेशनले पुरानो निर्वाचन प्रमाणी खारेज गरेर समानुपातिक प्रमाणीबाट मात्रै संसद हुने व्यवस्थाको पक्षमा कार्यनीति पास गरेको छ ।

यस्तै भष्ट्राचार नियन्त्रण गरेर राज्यलाई शुद्धिकरणको एजेण्डा लागू गर्ने माग गरेको छ । संविधान संसोधन गरेर भएपनि वैकल्पिक शक्तिसहितको सानो आकारको सरकार हुनुपर्ने नीति पास गरेको छ।

संशोधन नगरे जनआन्दोलन गरेर भएपनि नयाँ संविधान बनाएर भएपनि परिवर्तन गनुपर्ने मालेको नीति छ। देशकै लागि कम्युनिस्ट आन्दोलनमै नयाँ कुरा ल्याएका छौं, महासचिव मैनालीले भने,‘ यसलाई कार्यान्वयन गरेर देशलाई अहिलेको भड्खालोबाट निकाल्न हामी सफलता हाँसिल गर्छौं।’

संसदले बजेट पारित, कानुन निमार्ण र सरकारको वाचडगको अधिकार मात्र दिनुपर्ने व्यवस्थाको पक्षमा पार्टीलाई उभ्याएको छ । धर्मनिरपेक्ष हटाएर धर्ममैत्री लागू गर्ने माग गरेको छ ।

महाधिवेशनको बन्द सत्रमा ६वटा विषयमा कार्यपत्र प्रस्तुत भएको थियो । महाधिवेशनले सीपी मैनाले प्रस्तुत गरेका नेपाली क्रान्तिको कार्यक्रम, एपी आचार्यले पेश गरेको पार्टी संगठनको सिद्धान्त र प्रस्ताव, डम्बर श्रेष्ठले पेश गरेको पार्टी विधानलाई पारित गरेको छ।

त्यस्तै कुमार बेलवासेको पार्टीको तत्कालिन कार्यनीति र दिननाथ घिमिरेको संगठनात्मक प्रतिवेशन ससर्वसम्मतिबाट पारित भएको छ । महाविवेशन कार्तिक २७ गतेबाट नारायणी कला मन्दिरमा भएको थियो ।