विराटनगर / विराटनगरस्थित एक टेलर्सको महिला चेन्जिङ रुममा सिसीटिभी क्यामेरा जडान गरी प्रविधिको दुरुपयोग गरेको आरोपमा एक जना पक्राउ परेका छन् ।
विराटनगरको महावीर रोडमा रहेको जेन्टलमेन टेलर्सको महिला चेन्जिङ रुपममा सिसीटिभी जडान भएको पाइएपछि प्रहरीले सञ्चालक सद्दाम मियाँलाई पक्राउ गरेको हो ।
उनलाई चेन्जिङ रुपमा सिसी क्यामेरा जडान गरेर आफ्नो कक्षमा राखेको कम्प्युटरमा मनिटर गरेको आरोपमा पक्राउ गरिएको मोरङ प्रहरी प्रवक्ता डिएसपी दीपक श्रेष्ठले जानकारी दिए । उनका अनुसार सो टेलर्सकी ग्राहक महिलाले चेन्जिङ रुममा कपडा फेर्दै गर्दा सिसीटिभी देखेपछि प्रहरीलाई खबर गरेकी थिइन् ।
त्यसपछि प्रहरीले सञ्चालक मियाँलाई पक्राउ गरेको हो । पक्राउ परेका उनलाई कुन मुद्दा लगाउने विषयमा प्रहरीले कानुनी परामर्श सुरु गरेको छ । सिसी क्यामेराको फुटेज देखाएर कसैलाई बार्गेनिङ गरी पीडित बनाएको हुनसक्ने प्रहरीको आशंका छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
