काठमाडौँ । नेपाली काङ्ग्रेसको १४औँ महाधिवेशनअन्तर्गत ३५ जना खुल्ला केन्द्रीय सदस्यको मतगणना शनिबार (आज) बिहान १० बजेदेखि सुरु गरिने भएको छ । काङ्ग्रेस केन्द्रीय निर्वाचन समितिले बिहान १० बजेदेखि पार्टी केन्द्रीय कार्यालय, सानेपामा खुल्लातर्फका ३५ केन्द्रीय सदस्यको मत गन्न थालिने जानकारी दिएको हो ।
समितिका संयोजक गोपालकृष्ण घिमिरेले शुक्रबार विज्ञप्ति जारी गर्दै मतगणनाका लागि उम्मेदवार वा एकजना प्रतिनिधि मगतणनास्थल सानेपामा पठाइदिन पनि आग्रह गरेका छन् ।
यसअघि पिछडिएको क्षेत्रबाट केन्द्रीय सदस्यमा पूर्वमन्त्री अर्जुनबहादुर सिंह निर्वाचित भएका छन् । उनले आफ्ना निकटतम् प्रतिस्पर्धी दीपकजङ्ग शाहीलाई पराजित गरे ।
त्यसअघि केन्द्रीय सदस्य प्रदेश नं २ (महिला) एक पदमा चित्रलेखा यादव निर्वाचित भइसकेकी छन् । यादवले शेखर कोइराला समूहकी गीता चौधरीलाई ८४६ मतान्तरले पराजित गरिन् ।
त्यसअघि नै प्रदेश २ को भूगोलतर्फ पुरुषमा देउवा पक्षका आनन्द ढुङ्गाना र रमेश रिजाल निर्विरोध निर्वाचित भएका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
