काठमाडौं । नेपाली कांग्रेसको १४ औँ महाधिवेशनमा महामन्त्रीको उम्मेदवार बनेका निवर्तमान रक्षामन्त्री मिनेन्द्र रिजालले मत परिणाम घोषणा नहुँदै राजिनामा घोषणा गरे ।मत परिणाम सार्वजनिक भएको केहीबेरमै विहिबार उनले प्रधानमन्त्री शेरबहादुर देउवा समक्ष राजिनामा बुझाए ।
‘पार्टीभित्र मेरो समर्थनको आधार अत्यन्त संकुचित भएको स्पष्ट छ । यस कुरालाई हृदयंगम गर्दा मैले रक्षा मन्त्री पदमा रही रहनु नैतिक रुपमा उपयुक्त हुन्न । तसर्थ रक्षा मन्त्री पदबाट राजिनामा दिएको छु,’ उनले राजिनामा पत्रमा भनेका छन्।
रक्षामन्त्री रिजालले पार्टी भित्रको आन्तरिक चुनावमा पराजित हुँदा राजिनामा दिएपछि उनको तारिफ भइरहेको छ । उनले नैतिकताको खडेरी लागेको नेपालको राजनीतिमा उच्च राजनैतिक चरित्र प्रदर्शन गरेको भन्दै चौतर्फी प्रशंशा भइरहेको छ । किन भने दुई पटकसम्म गरेको संसद विघटन सर्वोच्च अदालतबाट अवैधानिक ठहर हुँदा समेत नैतिकताको आधारमा राजिनामा नदिने निवर्तमान प्रधानमन्त्री केपी ओलीले नै सबैभन्दा धेरै नैतिकता र सुशासनको भाषण गर्ने देश हो यो ।
रिजालको राजिनामाले सबैभन्दा ठूलो नैतिक संकट एक जना मुख्यमन्त्रीलाई परेको छ । सहमहामन्त्रीमा सभापति शेरबहादुर देउवा प्यानलबाट उम्मेदवार बनेका कर्णाली प्रदेशका मुख्यमन्त्री जीवन बहादुर शाहीलाई नैतिक संकट परेको हो ।
सहमहामन्त्रीमा पराजित भएपछि उनलाई मिनेन्द्रकै सिको गर्ने की नगर्ने भन्ने दुविधा छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
