एजेन्सी । उत्तर कोरियाका पूर्व नेता तथा किम जोङ उनका बुवा, किम जोङ इलको १०औं स्मृति दिवसको अवसरमा ११ दिनसम्म शोक घोषणा गरिएको छ ।
११ दिने अवधिभर उत्तर कोरियाका नागरिकलाई हाँस्न, मदिरा सेवन र किनमेल गर्न प्रतिबन्ध लगाईएको छ । त्यति मात्र नभई यो अवधिमा कसैको मृत्यु भएमा रुन समेत रोक लगाइएको छ भने राष्ट्रिय शोक अवधि सकिएपछि मात्र शव घरबाट निकाल्नु पर्ने उर्दी जारी गरिएको बीबीसीले जनाएको छ ।
यस्तै शोक अवधिमा कसैको जन्मदिन मनाउन समेत प्रतिबन्ध लगाइएको छ । किम जोङ इलको सम्मानमा पूरै देशले उनलाई शान्तिपूर्ण श्रद्धाञ्जली दिने छ ।
सवारी साधनलाई हर्न बजाउन निषेध गरिएको छ । किम जोङ इलको मृत्यु २०११ डिसेम्बर १७ मा भएको थियो । उनको मृत्यु भएको दुई दिनसम्म आधिकारीक घोषणा समेत गरिएको थिएन ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
