काठमाडौँ। प्रतिनिधिसभाको बैठक आज बस्दै छ। पटक–पटक सूचना टास गरेर स्थगित हुँदै आएको प्रतिनिधिसभाको दोस्रो बैठक आज बस्न लागेको हो।
संघीय संसद सचिवालयले आजदेखि नै सभामुख चयनको प्रक्रिया शुरु गर्नेछ। सत्तारुढ नेपाल कम्युनिस्ट पार्टी ९नेकपा०ले स्थायी कमिटी सदस्य अग्नि सापकोटालाई सभामुखको उम्मेदवार बनाउने निर्णय गरेसँगै सभामुख चयनको प्रक्रिया शुरु हुने भएको हो।
प्रतिनिधिसभामा सत्तारुढ नेकपाको बहुमत भएकाले सापकोटा प्रतिनिधिसभाको सभामुखमा निर्वाचित हुने पक्कापक्की छ। यसअघि सत्तारुढ दल नेकपा भित्र सभामुख कसलाई बनाउने भन्ने विषयमा सहमति हुन नसक्दा तीन पटक प्रतिनिधिसभा बैठक सूचना टासेर स्थगित हुँदै आएको थियो ।
बैठकको पहिलो कार्यसूचीमा सभामुख निर्वाचन हुनेछ। प्रतिनिधिसभा बैठक सञ्चालन नियममावलीअनुसार उपसभामुखले सोमबार बैठक शुरु हुनुपूर्व नै राजीनामा दिएको अवस्थामा बैठकको अध्यक्षता ज्येष्ठ सदस्यले गर्ने व्यवस्था छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
