काठमाडौं । नेकपा ९क्रान्तिकारी माओवादी० का नेता सिपी गजुरेलले पूर्व माओवादीहरू एकजुट हुने कुरामा आफूहरू सकारात्मक रहेको बताएका छन्।
नेकपा माओवादी केन्द्रको आठौँ महाधिवेशनको उद्घाटन सत्रमा बोल्दै उनले भने, ‘हामी पहिला एकैठाउँमा थियौँ। अहिले माओवादी केन्द्रका अध्यक्षज्यूले पूर्व(माओवादीहरू एकजुट हुनुपर्छ भनिराख्नुभएको छ। त्यसलाई हामी सकारात्मक ढंगले लिएका छौँ। हामी सच्चा क्रान्तिकारीहरू एकजुट हुनुपर्छ।’
महाधिवेशनले पूर्वमाओवादीहरू एकजुट हुने मार्ग तयार गर्न सुझाव दिए।
नेता गजुरेलले भने, ‘जनयुद्धको लक्ष्य अधुरो र अपूरो छ। नेपाललाई जनगणतन्त्र बनाउन पारित गरौँ। राष्ट्रिय स्वाधीनताको विषयमा केही महत्वपूर्ण लिनुहोस्। एमसिसी सम्झौता खारेज गर्न जोड गर्नुहोस्। नेपालले गुमाएको भूभाग कालापानी, लिपुलेक र लिम्पियाधुरा नक्सामा फिर्ता लिएका छौँ। जग्गा फिर्ता ल्याउन पहल गर्नुस्।’
नेता गजुरेलले यस महाधिवेशनले आफूले दिएको एजेन्डालाई पारित गरेर पार्टी एकताको ढोका खुल्ने विश्वास व्यक्त गरे।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
