पाल्पा । रुपन्देहीको बुटवल उपमहानगरपालिका वडा नम्बर १७ का वीरवहादुर विश्वकर्माको शनिवार मृत्यु भयो।
आइतबार बिहान ७ बजे छोराहरू छिमेकीसहित अन्तिम संस्कारका लागि गुल्मी, पाल्पा र स्याङजाको रिडी लागे बिहान साढे १० बजे शव बोकेर जाँदै गरेको लु १ ख ७२७९ नम्बरको बस तानसेन–तम्घास सडकखण्डअन्तर्गत रिब्दीकोट गाउँपालिका २ मा सडकबाट खसेर दुर्घट्ना भयो।
बाबुको इच्छाबमोजिम अन्तिम संस्कारका लागि गएका छोरामध्ये एक जनाले ज्यान गुमाए। वीरबहादुरका साहिँला छोरा ३० वर्षिय पशुपति रसाइलीको घट्नास्थलमै ज्यान गयो।
रसाइलीसहित बुटवल –१७, कै ४० वर्षीय खुमबहादुर राना, बुटवल –११, का ३२ वर्षीय विजय थापा क्षेत्री, अर्घाखाँची मालारानी–२, मरेङका २८ वर्षीय भोजेन्द्र विक, २५ वर्षीय शंकर विक, ३३ वर्षीय अर्जुन विक, ३६ वर्षीय मोहन कुँवरको पनि दुर्घटनामा ज्यान गएको छ।
घाइतेमध्ये केहीको अवस्था गम्भीर छ। दुर्घट्नामा मृत्यु भएका ६ जनाको पोस्टमार्टमपछि शव आफन्तलाई बुझाइसकेको जिल्ला प्रहरी कार्यालय पाल्पाका डीएसपी रामेश्वर त्वातीले बताए।
घाइतेमध्ये ९ जनाको लुम्बिनी मेडिकल कलेज र ६ जनाको मिसन अस्पताल पाल्पामा उपचार भइरहेको छ। दुर्घटमा परी १५ जना घाइते भएका छन्।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
