काठमाडौं । नेपाली कांग्रेसका केन्द्रीय सदस्य शंकर भण्डारीले पुस २७ गतेलाई राष्ट्रिय पर्वका रुपमा घोषणा गर्न सरकारसँग माग गरेका छन् । पुस २७ गते पृथ्वीजयन्ती तथा राष्ट्रिय एकता दिवस भव्यताका साथ मनाउन र यसलाई राष्ट्रिय पर्वका रुपमा घोषणा गर्न उनले सरकारसँग माग गरेका हुन् ।
उनले सबै नेपालीमा एकता र सद्भावको विकास होस् र राष्ट्रियताको संवद्र्धनमा हामी सबै एकजुट हुन सकौं भन्ने शुभकामना प्रदान गर्दै यस पर्वलाई भव्य रुपमा मनाउन सम्पूर्ण नेपाली दिदीबहिनी तथा दाजुभाइमा हार्दिक आह्वानसमेत गरेका छन् ।
उनले लेखेका छन्, ‘नेपाली हुनुमा जुन गौरव छ हाम्रा पूर्खाको रगत र पसिनाले सिंचित यस भूमिको गौरवशाली इतिहास हाम्रा लागि प्राण भन्दा प्यारो छ । त्यही भूमिका एकीकरणकर्ता तथा राष्ट्रिय एकताका प्रतीक पृथ्वीनारायण शाहको जन्मजयन्ती भव्यताका साथ मनाउनु हामी सबैको अधिकार र कर्तव्य हो । राज्यले यसलाई प्रवद्र्धन र सम्मान गर्नु आवश्यक छ ।’
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
