विराटनगर । दश वर्षीय बालिकालाई बलात्कारको प्रयास गरेको आरोपमा पक्राउ परेका नेपाली कांग्रेसका प्रदेश समिति सदस्य तथा बुढीगंगाका नेता शिव कोइरालालाई म्याद थप गरि प्रहरीले अनुसन्धान सुरु गरेको छ । मोरङ प्रहरीले सोमबार जिल्ला आदलत मोरङमा ‘जवरजस्ती करणी गर्ने उद्योग’ मा पाँच दिन म्याद थप गरि अनुसन्धान सुरु गरेको हो ।
सात दिनको म्याद मागेकोमा अदालतले अनुसन्धान गर्न पहिलो पटक पाँच दिनको समय दिएको हो । अदालतले दिएको समयसीमा सकिएपछि पुनः म्याद थप गरि अनुसन्धान गर्नुपर्दछ । जवरजस्ती करणी उद्योगमा २५ दिनसम्म न्यायीक हिरासतमा राखेर अनुसन्धान गर्न पाउने कानूनी व्यवस्था छ ।
मोरङको बुढीगंग गाउँपालिका १ टंकिसनवारी घर भएका कोइरालालाई आइतबार दिउँसो मोरङ प्रहरीले बालिकालाई जवरजस्ती करणाीको प्रयास गरेको आरोपमा पक्राउ गरेको थियो । पक्राउ परेका काइरालाले १० वर्षीय बालिकालाई टंकिसनवारीस्थित बाथरुममा शुक्रबार साँझ जवरजस्ती करणीको प्रयास गरेको आरोप छ । पीडितले दिएको जाहेरीको आधारमा कोइरालालाई पक्राउ गरेर अनुसन्धान सुरु गरेकोे मोरङ प्रहरीका डिएसपी मन्जिल मुकारुङले जानकारी दिए ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
