इटहरी । गठबन्धनको बहुमत हुँदाहुँदै पनि राष्ट्रियसभा निर्वाचनमा प्रदेश १ मा अन्तरघात भई १ जना सदस्य पराजित भएको विषयमा छानविन र समीक्षाको माग भएको छ ।
प्रदेश १ माओवादी संसदीय दलका नेता तथा माओवादीका केन्द्रीय सदस्य इन्द्रबहादुर आङ्बोले अन्तरघातबारे गठबन्धन दलहरुबीच गम्भीर समीक्षा र छानविन हुनुपर्ने माग गरेका हुन् ।
उनले पार्टी नेतृत्वप्रति इमान्दार नभएर लालच र प्रलोभनमा परेर गम्भीर अन्तरघात भएको दाबी गर्दै सामाजिक संजाल फेसबुकमा यस्तो अन्तरघात क्षम्य नहुने भन्दै निर्ममतापूर्वक गम्भीर समीक्षा र छानबिन गरेर प्रदेश गठबन्धन अघि बढ्नुपर्नेमा जोड दिएका छन् ।
‘संघीयता प्रति चौतर्फी प्रहार भइरहेको बेला झन् हामी १ नं. प्रदेशका प्रदेश र स्थानीय तहका जनप्रतिनिधिहरू हाम्रो एजेन्डा, जनता, पार्टी अनि नेतृत्वप्रति इमानदार बन्न सकेनौं, उनले लेखेको फेसबुक स्टाटसमा उल्लेख छ, ‘लालच र प्रलोभनमा परेर भएको यो गम्भीर अन्तरघात कुनै पनि पार्टीको निम्ति क्षम्य हुन्न । अब निर्ममतापूर्वक गम्भीर समीक्षा र पारदर्शी छानबिन गरेर प्रदेशको गठबन्धन अगाडि बढ्नुपर्छ बढ्नेछ..।’
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
