इटहरी । स्थानीय तहको निर्वाचनको मिति घोषणा गर्न दवाव दिने उद्धेश्यले प्रतिपक्षी नेकपा एमालेको युवा तथा विद्यार्थी संगठनले मोरगंको सुन्दरहरैंचामा प्रर्दशन गरेको छ ।
सत्तारुड गठनबन्धन स्थानीय तहका जनप्रतिनिधिहरुको पदावधि आगामी जेष्ठ ५मा सकिदै गर्दा समेत निर्वाचनको मिति घोषणा गर्न आनाकानी गरिरहेको भन्दै एमालेका भातृ संगठनहरु राष्ट्रिय युवा संघ नेपाल र अनेरास्ववियु सुन्दरहरैचाको संयुक्त आयोजनामा दवाव कार्यक्रम गरिएको हो ।
स्थानीय तहको निर्वाचनको मिति घोषणा साथै पेट्रोलियम पद्धार्थ लगायतको मुल्यवृद्धिको विरोधमा आयोजना गरिएको दवावमुलक कार्यक्रममा सरकार विरोधी नारा लगाउदै प्रदृशन गरिएको थियो । नाराजुलुसपछि विराटचौकमा आयोजित कोणसभामा बोल्ने बक्ताहरुले निर्वाचनको मिति तत्काल घोषणा गरिनु पर्ने , मुल्यवृद्धि फिर्ता लिनु पर्ने लगायतका माग राखेका थिए ।
कोणसभामा नेकपा एमाले मोरङ जिल्ला कमिटी सदस्य सन्तोष वान्तवा, सुन्दरहरैंचा नगर कमिटी अध्यक्ष मातृकाप्रसाद ढकाल, राष्ट्रिय युवा संघ नेपाल मोरङ जिल्ला कमिटी सदस्य प्रविण घिमिरे सुन्दरहरैंचाका अध्यक्ष जयप्रकाश रायमाझी अनेरास्ववियुका केन्द्रीय सदस्य लक्ष्मी पोखरेलले सरकारको गठवन्धन सरकारको आलोचना गरेका थिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
